Të drejtat e autorit, vajza e Feim Ibrahimit: Tv Klan denigroi babain. Një turp me Maratonën e Këngës Shqiptare
![](https://www.respublica.al/sites/default/files/styles/large/public/2018/09/T%C3%8B%20DREJTAT%20E%20AUTORIT%2C%20VAJZA%20E%20FEIM%20IBRAHIMIT%20DENIGRUAN%20BABAIN%2C%20I%20VODH%C3%8BN%20KRIJIMET_2018_09_26_13.jpg?itok=mbBhHyHG)
Janë të shumta veprat në dorëshkrim të kompozitorit Feim Ibrahimi, që vajza e tij, pianistja Etrita Ibrahimi kërkon t’i konservojë dhe t’i dixhitalizojë. Një ndër to është edhe koncerti për piano dhe orkestër, i shkruar prej artistit në vitin 1975 dhe i censuruar dhe që sipas së bijës i ka marrë më tepër se një vit kohë. I ekzekutuar dhe censuruar për 20 vjet për shkak të tendencave mistike dhe moderne për kohën, kjo vepër është një ndër të paktat, që vajza e kompozitorit kërkon t’i japë vendin e duhur në krijimtarinë e të atit dhe në skenën muzikore shqiptare. Në një intervistë për “TemA TV”, Ibrahimi ngre shqetësimin për gjendjen tepër problematike të mbrojtjes së të drejtave të autorit në Shqipëri, duke u nisur nga përvoja e vet personale dhe më tej. Ajo flet gjerësisht për këtë çështje, për vlerësimin e të kompozitorit Feim Ibrahimi para ’90-ës dhe pas ’90-ës, por edhe për problemet që sipas saj has muzika serioze shqiptare sot dhe rolin thuajse të munguar të shtetit në këtë drejtim. Pianistja u bën thirrje edhe institucioneve shtetërore për promovimin e muzikës shqiptare, në mënyrë që brezat ta njohin siç duhet.
TemaTv
Add new comment