Kallëzohet në Prokurori drejtori i Portit të Durrësit, lumë shkeljesh me kontratat konçesionare dhe materialet e TAP

Drejtori i Përgjithshëm i autoritetet Portual të Durrësit, është kallëzuar në Prokurori nga Kontrolli i lartë i Shtetit  me akuzën e “Shpërdorimit të detyrës”. Nga auditimi kanë rezultuar një sërë shkeljesh që kanë të bëjnë me procesin e shkarkimit, depozitimit dhe evadimit të tubacioneve, materialeve të nevojshme si dhe makinerive të projektit TAP.

Kështu sipas raportit të Kontrollit të Lartë të Shtetit Porti i Durrësit nuk ka zhvilluar asnjë procedurë konkuruese për përzgjedhjen e kompanisë stivadore dhe kompania e përzgjedhur është lejuar të ushtrojë veprimtarinë e saj në kushtet e një monopoli, duke mos lejuar shoqëritë e licencuara të ngarkim-shkarkimit (stivadorët) të kryejnë përpunimin e anijeve.  Po ashtu shkeljet janë konstatuar në lidhje me marrëveshjen e për vlerësimin e planit të sigurisë dhe  likuidimet e bëra ndaj shoqërisë që ka kryer këtë proces.

Referuar ekstraktit të regjistrit tregtar, 75% e aksioneve të kompanisë zotërohen nga aksioner të huaj të panjohur dhe të pa autorizuar nga organet e ngarkuara me ligj për sigurinë kombëtare.

Po ashtu nga auditimi konstatohet se 3 Kompani koncensionare nuk kanë zbatuar detyrimin kontraktor për të investuar në terminalet respektive të marra me konçesion në një vlerë prej 6.6 miliardë lekësh. KLSH ka kërkuar që në rast të moskryerjes së investimeve të përcaktuara në marrëveshjet koncensionare, të kryhet pezullimi i menjëhershëm i marrëveshjeve koncesionare, ose në rast të kundërt të zbatohen procedurat ligjore për sanksionet përkatëse. Në total dëmi që i ëhstë shkaktuar buxhetit të shtetit dhe autoritetit portual nga këti shkelje është  217,142 mijë lekë