"Lufta për çadrat e plazhit", boshatiset bregdeti italian

Plazhet e bregdetit italian  u boshatisën në  pikun e  sezonit veror pasi në grevë  në shkallë vendi u hodhën dhe  ata  që jepnin me qera çadra plazhi. Plazhet mbeten çështje e nxehtë për italianët ndërsa në gusht siç është bërë traditë tashmë abandonojnë qytetet  për të shkuar  drejt bregdetit. Por të premten, ndonëse termometri shënonte 35 gradë Celsius, rreshtat e çadrave të  plazhit përgjatë  vijës së bregdetit mbetën mbyllur. Një  çadër dhe një shezllon mund të kushtojë nga 20 deri në 70 euro në ditë  në ditë në klubet më luksoze.

Grupe Ambientaliste kanë protestuar  kundër klubeve private që operojnë në këto pjesë të bregdetit e kufizojnë qasjen pa pagesë  në plazhet që janë  në pronësi të shtetit. Pas një  fushate të quajtur "lufta për çadrat e plazhit"  hidhen në grevë kombëtare të gjithë operuesit e   këtyre çadrave për të kundërshtuar masën më të fundit të qeverisë, propozimin për të nxjerrë në ankand  operimin e çadrave të plazhit  që nga 2016. Sindikatat italiane thonë se  ky propozim favorizon kompanitë shumëkombëshe kundrejt kompanive  më të vogla lokale, duke e vënë në rrezik  30.000 biznese e  mbi  600.000  punonjës.

Albanian Screen