Masakra në Lac, policia: Autori i droguar, do vriste 15 qytetarë.

Policia ka zbardhur sot detaje mbi autorin e vrasjes së djeshme të dy vëllezërve Andrea dhe Endri Cara, 31 dhe 32 vjeç.

I prangosur në polici është Altin Piroli, autori që ekzekutoi në mes tëqytetit të Laçit 2 vëllezërit. Nga hetimet paraprake bëhet e ditur se Pirolit i është gjetur një listë me emrat e 15 personave. Të renditur ishin dhe emra të gjyqtarëve dhe prokurorëve të Kurbinit.
“Dyshohet se Piroli kishte në plan t’i vriste”, bën të ditur policia.

Sipas policisë, autori në momentin që ka kryer vrasjen ka qenë i droguar dhe se vrasja është kryer nën efektin e drogës.

Një ditë më parë burime nga Policia e Laçit konfirmuan se personi, Altin Piroli njihej si një person me probleme të rënda mendore. Të njëjtat burime thanë se Piroli e konsideronte veten si Jezu Krishti.

Ngjarja e rëndë ndodhi të martën rreth orës 08:30 pranë stacionit të furgonëve në qendër të qytetit, ku dy vëllezërit Andrea dhe Endri Cara, janë qëlluar me armë zjarri nga shtetasi, Altin Piroli. Autori u prangos menjehere nga policia. Nga breshëria e plumbave u plagosën aksidentalisht dhe 2 kalimtare, mes tyre një fëmijë 13 vjeç.