Dita e Dëshmorëve, politika e ndarë edhe për homazhe.

Sot shënohet 5 Maji, Dita e Dëshmorëve të Atdheut. Ashtu si çdo vit tjetër zhvillohet ceremonia zyrtare e homazheve në Varrezat e Kombit ku zyrtarë të politikës vendosin kurora me lule.

Si çdo vit, edhe këtë vit në Varrezat e Kombit janë organizuar dy ceremoni zyrtare dhe himni u ekzekutua dy herë.

Fillimisht të majtët kanë bërë nderimet tek monumenti i dëshmorëve, ‘Nënë Shqipëri’ dhe pas më shumë se 1 ore, homazhet i kryen edhe të djathtët.