Astrit Patozi: Nuk trembemi prej Topit; ai i është në borxh PD-së.

Një pjesë e mirë e intervistës së gjatë (dy faqe të plota) të Astrit Patozit për Mapon është e fokusuar tek fenomeni Topi. Ai flet me tone nënvlerësuese për Presidentin, dhe për rolin e tij politik në periudhën post-presidenciale, dhe kujdeset shumë që kjo gjë të dalë në pah. ‘Ne synojmë të rrisim mbështetjen elektorale, e në këtë kuptim nuk mund t’i japim rëndësi më shumë se sa duhet një grushti njerëzish, nga frika se ata nga çasti në çast mund të largohen nga partia’, thotë ai në thelb. Dhe tek “grushti i njerëzve” ai ka parasysh disa emra të tjerë, që kanë treguar se mund t’i bashkangjiten projektit të Topit, nëse ky projekt do të bëhet realitet një ditë. Patozi nuk harron të theksojë se të gjithë ata që kanë ikur nga PD-ja, apo që janë në PD, i kanë borxhe kësaj partie (s’merret vesh kjo logjika e borxhit ndaj një partie; duket si logjikë xhambazësh).

Ai bën dhe një qortim, gjithashtu. Dhe me të drejtë, duhet thënë: “Nuk është etike që Presidenti i Republikës të flasë gjatë ushtrimit të mandatit nga pozitat e kryetarit të një partie, që do të krijohet”.

Re.Pu.