Ilir Meta: Kam një audio-video-përgjim për Edi Ramën

Në harkun e pak minutave, Ilir Meta thotë do gjëra interesante. Është i shqetësuar nga imitimi i funeralit në protestën e eurosocialistëve përpara ndërtesës së Gjykatës së Lartë, dhe e etiketoi Edi Ramën si ‘biznesmenin më të ri në sipërmarrjet funerale’. Pastaj na bëri me dije se kish ngrënë një drekë me Filip Çakulin, dhe gjeti rast ta ftonte Edi Ramën në një ballafaqim  tek Fiks Fare (!!!). Në fund la të nënkuptohet se ka në dorë një atout, një regjistrim të Edi Ramës, që e nxjerr këtë të fundit në një dritë jo fort të lezetshme. “Unë dua vetëm 2 minuta kohë për të transmetuar diçka në video dhe audio për të parë vërtet se kush ndërhyn tek prokuroria dhe gjyqtarët për qëllime politike”, tha ai, duke aluduar se ka prova që Rama ka ndërhyrë tek sistemi i drejtësisë.

Një gjë s’kuptohet: pse duhet t’i marrë dorën Ramës për t’ia nxjerrë pisllëqet në shesh? Mund t’ia nxjerrë ku e kur të dojë. Dhe ne të respublica-s jemi të gatshëm ta marrim e ta publikojmë atë audio-video-përgjim, që denoncon praktika jo ligjore e jo korrekte të shefit të opozitës. Madje, po ofrohemi të parët.

M.N.