Albin Kurti: Duam të bashkojmë Kosovën me Shqipërinë; jo anasjelltas

Në programin televiziv Tonight Ilva Tare, Albin Kurti i mëshon dhe njëherë idesë së bashkimit kombëtar, të cilën zyrtarët e diplomatët ndërkombëtarë e mendojnë, sipas tij, si “një çështje të natyrshme e të kuptueshme”, s’ka gjë se “këtë ide e hedhin vetëm privatisht e jo publikisht”. Ilva e çon Albinin me mendje në një situatë hipotetike të bashkimit, dhe i kërkon të thotë se cili do duhej të ish kryeqyteti i shqiptarëve, Tirana apo Prishtina. “Tirana”, thotë i pari i Vetvendosjes, “por s’është kjo më e rëndësishmja”. Në fakt, ka shumë njerëz në Kosovë e në Prishtinë, për të cilët kjo çështje është e rëndësishme, por Albini i ka të qarta qysh tani modalitetet e bashkimit kombëtar (nëse vjen një ditë që ky bashkim bëhet i mundur). “Ne jemi për bashkimin e Kosovës me Shqipërinë, e jo për bashkimin e Shqipërisë me Kosovën; s’duam ta fusim Shqipërinë në Eulex”, thotë ai.

E.G.