Tritan Shehu, zëdhënësi de facto i PD-së

Po ndodh gjithmonë e më shpesh të lexojmë apo dëgjojmë një intervistë të Tritan Shehut, i cili duket se ka për detyrë të bëjë shpjegimin publik të aksionit politik të PD-së. Për çdo qëndrim të Berishës, Tritani ka një mbrojtje të vetën, e në këtë kuptim më shumë se sa zëdhënës i partisë duket se është zëdhënës i Berishës. Mbrojtja që bën është e thjeshtë, dhe ngrihet mbi fraza të tilla, si “ne do fitojmë në vitin 2013-n, pasi kemi Berishën”, “Berisha është mjeshtër në ndërtimin e koalicioneve fituese”, “Ilir Meta na detyrohet”, etj, etj.

Deputeti i PD-së preferon përgjithësisht gazetat, e më pak televizionet. Në ekran nuk është shumë ndjellës. Është me siguri i vetëdijshëm për këtë, e kjo duhet të jetë arsyeja që ai vetë parapëlqen gazetat, s’ka gjë se nuk di t’i thotë kurrë ‘jo’ një kërkese për të shkuar në një studio televizive. Dhe gjithnjë ka gjëra për të thënë.

E.G.