Në Vëmendje

Prokuroria e Përgjithshme i ka dërguar prokurorive në rrethe një qarkore, sa i përket fenomenit të kultivimit të bimëve narkotike që sipas saj është shtrirë në të gjithë vendin dhe se kohëve të fundit kultivuesit po e mbjellin atë edhe në ambiente të mbyllura si tunele, magazina dhe ndërtesa të vjetra. Në këtë qarkore thuhet se për kultivimin e tyre në këto ambiente po përdoret energjia elektrike ndërkohë që fenomeni është i përhapur edhe në toka pa pronarë, kryesisht në zona të thella.

18 persona janë paraqitur në shërbimin e sëmundjeve infektive ne Qendrën Spitalore Universitare përgjatë tre ditëve me simptoma të helmimit pasi kanë konsumuar ushqim në një prej restoranteve më të frekuentuar në zonën e ish bllokut, bar restorant artigianon. Kjo situatë ka vënë në alarm sistemin shëndetësor, i cili ka konstatuar mungesën e kushteve higjeno-sanitare që ka cuar në helmimin e klientëve.  Kreu i Isnpektoriatit Shëndetësor të Tiranës, Gjergji Koja i tha televizionit Klan se  mostrat e analizuara rezultuan me salmonelë.

Mbi aparatin përgjues të gjetur në zyrën e ministrit të Brendshëm, Sajmir Tahiri(pjesë të tij), janë gjetur gjurmë gishtash të cilat ende nuk janë identifikuar se kujt i përkasin. “Burime nga grupi hetimor thanë për Televizionin Klan se, pajisja e gjetur është një përçues analog i përgjimeve ambientale. Pjesa tjetër e pajisjes, ajo që kryen regjistrimin, nuk është gjendur ende dhe hetuesit thonë se do të jetë mjaft e vështirë që të identifikohet vendndodhja e saj.

Ish-Guvernatori i Bankës së Shqipërisë Ardian Fullani do marrë 12 paga dëmshpërblim nga vendi ku ka punuar më parë. Vendimi u dha këtë të enjte nga Gjykata Administrative e Shkallës së Parë, duke i rrëzuar të gjitha kërkesat e tjera që Fullani përmes avokatëve kishte bërë në gjykatë. Rroga vjetore e Fullanit llogaritet në 114 320 dollarë, me një pagë mujore 9 milionë lekë në muaj. Me vendimin e Gjykatës Administrative Fullani do të përfitojë rreth 110 mijë dollarë të thata në dorë. Fullani kërkonte shfuqizim të vendimit që e “zhveshi” nga detyra e Guvernatorit.

Një ditë pasi emisioni investigativ “STOP” në  Televizionin Klan u publikoi pamjet shokuese  të trajtimit çnjerëzor të personave me aftësi të kufizuara në qendrën e zhvillimit social të Shkodërs ka reaguar prokruroria. Me urdhër të organit të akuzës  janë arrestuar drejtoresha e kësaj qendre Juliana Cepi, si edhe  infermierja Aida Ymeraj. Prokuroria e Shkodrës thotë se ka hetuar për më shumë se dy javë në këtë qendër ku ka zbuluar se ndaj pacientëve me sëmundje të shëndetit mendor është ushtruar dhunë sistematike.

Ushtria dhe Ministria e Mbrojtjes deklaruan zyrtarisht se helikopteri EC145 që u rrëzua më 6 prill 2016 ishte në fluturim stërvitor sipas planit të parashikuar. Por Prokuroria që po ndjek hetimet për këtë çështje nuk e beson këtë version, deri sa ai të konfirmohet nga dida burime. Për këtë qëllim është kërkuar dëshmia e drejtorit të trafikut ajror, Arben Sula. “Burimet thanë se megjithëse prokuroret e posedojnë planin e fluturimit të deklaruar nga forcat ajrore si një mision trajnues, për shkaqe hetimore duhet të pyetet edhe përfaqësuesi i Autoritetit të Aviacionit Civil.

Ministrja e Mbrojtjes Mimi Kodheli ka qenë këtë të hënë në emisionin “Top-Story”. Në faqen online të këtij të fundit, intervista e saj, është edituar me një tekst minimalist, që si lajm ka patur çështjen e rrëzimit të helikopterit EC145 në Grizhë të Shkodrës më 6 prill të këtij viti. Ministrja nuk zhgnënjen kur deklaroi se: “Nëse ata kanë vdekur për shkak të një defekti teknik apo për faj të tyre, kjo i përket çështjes hetimore, por nuk i bën ata më pak heronj, ata ishin atje në krye të detyrës”. Ky lloj qëndrimi është lajm edhe për Top-Channel që nga e gjithë intervista e ka veçuar atë.

Pak orë pasi Elvis Roshi dha dorëheqjen si kryebashkiak i Kavajës, duke sqaruar se ishte dënuar në Itali kur ishte minoren për një sherr masiv, Partia Demokratike ka zbardhur vendimin e Gjykatës italiane, ku sipas saj Elvis Roshi është dënuar për përdhunim në grup.

Identiteti dhe përkatësia etnike e arvanitëve të Greqisë ka qenë gjithmonë një çështje e hapur debati në qarqet akademike dhe më pak ato politike mes Shqipërisë dhe Greqisë. Prej 2014 ata organizojnë Takimin e Arvanitëve, një aktivitet që sivjet mori vëmendjen edhe të Kishës Greke.

Ministria e Transporteve shpenzoi para një javë më parë për të rritur sigurinë në Rrugën e Kombit, por këto para shkuar dëm. Tv Klan raporton se janë banorët ata që kanë hequr blloqet e betonit të vendosura në segmentin Kukës – Morinë, pasi sipas tyre “nuk është lënë kalim”.  “Banorët e Shtiqnit, Rexhepajt dhe Kodër Lumës i kanë hequr, pasi kalimi përmes i autostradës është e vetmja mundësi e tyre. Thonë se bllokimi ishte sa për sy e faqe dhe i paplanifikuar, pasi atyre nuk u është lënë asnjë mundësi kalimi.