Në Vëmendje

Eksperti për çështjet ndërkombëtare Alon Ben-Meir, në një intervistë ekskluzive për MCN tha se Shqipëria dhe Kosova kanë vënë në pikëpyetje pavarësinë e tyre si shtete, pasi Rama dhe Kurti i janë nënshtruar kërkesave të Erdogan.

Policia ka dhuruar sot materialin e nevojshëm për një javë tjetër të zhurmshme ku protagonistë do jenë të ashtuquajturit gazetarë të kronikës. Në makinën e Endrit Dokles, person i njohur dhe i dënuar më parë, i akuzuar në media si pjesëtar i bandës së Durrësit, është identifikuar Fatjon Murati. Person në kërkim për ngjarjen e Fushë-Krujës ku mbetën të vrarë tre persona të afërt të Ervis Martinajt, një tjetër personazh ky i mirënjohur dhe me shumë nofka. 

Mediat shtetërore iraniane kanë qarkulluar lajme mbi kapacitetet goditëse të dronëve iranianë duke vendosur si objektiv eventual kampin e Manzës në Durrës ku strehoehn muxhahedinët e MEK. 

Kapacitetet e dronëve dhe raketave iraniane nuk kufizohen në zonat gjeografike fqinjë; ato gëzojnë kaq shumë kapacitete në sektorin ajroro, veçanërisht në atë të dronëve saqë është e kollajtë të godasësh bazën e MKO në Tirana

citohen mediat iraniane.

Shqipëria, qeveria e saj nuk do të ketë një raport përfundimtar, teknik, mbi sulmet kibernetike ndaj infrastrukturës së vet dixhitale publike.

Avokatja Migena Balla, njëherësh praktikante e besimit Islam, duke folur për MCN Tv thekson se poligamia duhet legjitimuar për shkak të ekzistencës së saj “de facto”.

Balla thotë se askush nuk i tregon hapur lidhjet jashtëmartesore në shoqëri apo dhe martesat me më shumë se një grua.

Avokatja vë në dukje ka mungesë sinqeriteti nga hoxha që bën një martesë të re, duke ditur që gruaja e parë e burrit nuk është në dijeni për kurorëzimin.  

Europol njofton nënshkrimin e një marrëveshjeje të rëndësishme në fushën e luftës kundër krimit me Emiratet e Bashkuara Arabe. Marrëveshja parashikon caktimin e një oficeri kontakti nga Emiratet në Hagë, duke vemdosur kështu pika kontakti për thellimin e bashkëpunimit mes të dy entiteve. Europol e ka cilësuar marrëveshje një gur miliar në bashkëpunimin ndërkombëtar policor pasi shpresohet që do të promovojë bashkëpunimin operacional policor në shkallë ndërkombëtare.

Vetëm dy ditë pasi Prokuroria urdhëroi mospublikimin e të dhënave të hakeruara për arsye të sigurisë kombëtare, në media dolën pjesë të dosjes hetimore për Ervis Martinajn, një person i njohur për shumëkënd. Në një emision u ngritën të gjitha hipotezat për zhdukjen e personit, referuar copëzave të dosjes hetimore. Një portal e raportonte dje si ekskluzive dosjen hetimore, ndërkohë që Prokuroria nuk ka asnjë reagim për këto rrjedhje.

Dështimi dhe poshtërimi kanë gjetur një avokat të ri në Shqipëri: Belinda Ballukun. Sot në parlament, personi që është caktuar zv. Kryeministre ka dalë të mbrojë Agencinë e Shoqërisë Kombëtare të Informacionit duek referuar raporte të Microsfot, të FBI-së, për të folur për sulm në shkallë rajonale, e të tjera e të tjera.

Por zonja të cilën e merr përpara ambicia e çdo gjëje që e rrethon nuk na thotë pse të gjithë bëjnë raporte dhe AKSHI jo? Sepse ajo e di, nga ai raport dalin përgjegjësi ligjore. 

Europol njofton se më 12 shtator të këtij viti është arrestuar në Malaga të Spanjës një prej pastruesve më të mëdhenj të parave në Europë. Emri i personit nuk bëhet i ditur ndërkohë që ndalimi ka qenë rezultat i një hetimi të Spanish Guardia Civil, British National Crime Agency, Dutch National Police, Irish Garda (An Garda Síochána), në koordinim me European Financial and Economic Crime Centre të Europol.

Ndër materialet që dalin në sipërfaqe nga publikimi i korrespondencës së ish-drejtorit të Policisë, Gledis Nano, është edhe një material për ndjekjen e Frederik Ymerit, ish-zyrtar i Shërbimit Informatik Shtetëror, që pak muaj më parë u përfol në media të ndryshme si person i përfshirë në aktivitet spiunazhi. Nga materiali shihet se Ymeri me dy subjekte të tjera ka qenë në përgjim telefonik, prej nga ku dalin biseda me karakter informativ por që nuk implikojnë asgjë për ndonjë përfshirje në aktivitet spiunazhi siç u servir në media.