Lajme

Pas tërmetit qeveria, më saktë kryeministri Edi Rama, ka krijuar një komitet për rindërtimin. Në krye do të jetë Arben Ahmetaj.

Tryeza e krijimit ka qenë pak e pazakontë, janë parë aty gazetarë, biznesmenë, ministra, bamirës.

Binzesmenti Artan Dulaku ka deklaruar se në Durrës disponohen 3500 banesa të lira dhe ato mund të shiten për të pastrehët. Z. Dulaku ka sqaruar se sipas Shoqatës së Ndërtuesve ndërtimet në Shqipëri janë bërë mirë dhe konform normave teknike dhe se nuk ka asgjë të vërtetë në spekullimet e bëra në media.

3 muaj bas betimit si kryebashkiake e Durrësit, Valbona Sako jep dorëheqjen, duke lënë pa titullar një tjetër bashki të vendit. Shkak u bë ky koment i saj për pasojat e tërmetit tragjik të 26 Nëntorit, ku theksonte se ishte e kënaqur me bilancin e viktimave, pasi sipas saj numri mund të ishte edhe më i madh.

Vendimin për të dhënë dorëheqjen Sako e njoftoi vetë në rrjetet sociale duke shpjeguar se e kishte të pamundur të përballonte stresin që I kishin krijuar komentet negative mbi deklaratën e saj.

Kryeministri Edi Rama i ka bërë thirrje partive opozitare dhe personalisht liderit të demokratëve Lulzim Bashës, që “të ulemi pa humbur kohë në tryezë për të dëgjuar idetë dhe propozimet e tyre konkrete”.

Në tre postime në Twitter, shefi i qeverisë shkruan:

U bëj apel forcave opozitare të ulemi pa humbur kohë në tryezë për të dëgjuar idetë dhe propozimet e tyre konkrete. Në këto rrethana të jashtëzakonshme duhet mbiprodhim energjish pozitive për fatkeqët që kanë humbur gjithçka e mbarë popullin që meriton përkujdesje psikologjike.

Kryeministri Edi Rama është përlotur sërish. Teksa lexonte emrat e viktimave z. Rama në një çast e ka parë të arsyeshme të preket dhe drithërojë pak zërin duke përmbushur rolin e plakut të moçëm mjekërbardhë që ka dhimnjen e atij që di shumë. 

Lotët skenikë të këtij aktori kuptohen në kontekstin e dominimit të raportimit mediatik post tërmet nga emri i këtij njeriu që këtu kërcënon me burg, nga ana tjetër vjen vërdallë rrënojave i hequr në fytyrë dhe në shoqërinë e bishtave të zakonshëm. 

Në 8 orët e fundit numri i lëkundjeve sizmike që kanë goditur territorin shqiptar është reduktuar ndjeshëm. 

Prej orës 24:00 e deri më tani janë regjistruar vetëm 3 lëkundje me magnitudë maksimale 3.3, ndërkohë që lëkundje me të njëjtin intensitet janë regjistruar në detin Jon dhe në Kretë, dy rajonet më afër nesh.

Ngjan se shpjegimi i ekspertëve për pasgoditjet po verifikohet edhe pse aleli për godinat e dëmtuara qëndron në fuqi, përderisa ato konsiderohen të rrezikshme për jetën e banorëve.

Çfarë është emergjencë në këto ditë ku Durrësi dhe Thumana u ngjajnë zonave të bombarduara dhe ky pikëpyetjet mbi sigurinë e ndërtesave që kanë mbetur në këmbë janë të mëdha? Tani që mjegulla e raportimit po qartësohet, harta e dëmeve në ndërtesa po zgjerohet edhe në Tiranë, Shijak, Kavajë e Laç.

Lëkundjen e njëpasnjëshme të pastërmetit me gjasë kanë shkurtuar jetëgjatësinë e shumë objekteve të tjera të neokapitalizmit që nuk dihet mbi ç'kritere janë vlerësuar dhe vijojnë të vlerësohen si të sigurta.

E mbushur me mitizime, monopolizime dhe të pavërteta. Kështu serviret historia e Luftës Antifashiste Nacionalçlirimtare sipas studiuesit Uran Butka, edhe 75 vjet pas çlirimit të vendit. Në një bisedë për TemA TV, ai vëren se pjesë e Luftës janë në fakt jo vetëm ata që luftuan për Lëvizjen Nacionalçlirimtare, por edhe nacionalistë të Ballit apo të Legalitetit dhe jo vetëm.

Lidhur me fatkeqësinë natyrore, Ju mund të dhuroni duke përdorur një kartë krediti ose debiti nëçdo banke drejt llogarisë së Ministrisë së Financave dhe Ekonomisë.

Kontributi i dhënë nga ana juaj do të përdoret nga Emergjencat Civile në ndihmë të të dëmtuarve nga tërmeti.

Numrat e llogarive:

“Kontribute vullnetare, Emergjenca” në bankat e nivelit të dytë.

Banka Credins:

IBAN ne ALL (Lek):  ​AL29 2121 1016 0000 0000 0030 0001

Tërmeti i së martës dhe lëkundjet e panumërta që vijojnë të ndihen në Shqipëri e kanë kthyer të gjithë vëmendjen e qytetarëve te mediat tradicionale dhe ato online. Nevoja për t’u informuar në lidhje me atë që ndodh, në kushtet e pasigurisë që krijojnë tërmetet i kanë bërë me mijëra shqiptarë të zonave të Durrësit dhe Tiranës të shkarkojnë në smartfonët e tyre aplikacionet që përditësojnë të dhënat për çdo lëkundje të tokës. Më i përdoruri rezulton të jetë Last Quake (tërmeti i fundit), një aplikacion i Qendrës Sizmologjike Euro-Mesdhetare.

Halli më i madh që ka kryeministri i Shqipërisë në këto ditë të vështira për njerëzit e prekur nga tërmeti janë lajmet që ekspozojnë mangësitë e qeverisë në menaxhimin e situatës. Kujtojmë që nga terreni ka patur raportime për probleme si në logjistikën e ekipeve të kërkim-shpëtimit ashtu edhe në ndihmën ndaj të prekurve.

Rama ka reaguar ashper dhe me nje paralajmerim te prere per te gjithe portalet dhe kanalet e informimit, te masin me kujdes fjalet ne raportimet e tyre lidhur me gjendjen pas termetit.

Rama ne Twitter: