Lajme

Smithsonian njofton së fundmi se ka vendosur të kalojë në pronësi publike 2.8 milionë foto dy dhe tri dimensionale nga koleksionet e veta. Në njoftimin e vet, Smithsonian bën me dije se ato u përkasin të 19 muzeumeve që janë nën këtë emër dhe mund të përdoren lirshëm prej kujtdo. Gjatë këti viti, instituti njofton se do të shtojë në këtë fond edhe 200 mijë foto të tjera. 

Zyrtarët amerikanë të Shëndetësisë kanë nisur testimet klinike kundër coronavirusit CoVid – 19 duke përdorur remdesivir, një medikament i prodhuar nga “Gilead Sciences Inc”. 

Testimet po kryhen mbi pacientë të shtruar dhe të prekur nga virusi i tanishëm dhe i pari mes tyre është një amerikan që ka qenë në karantinë në anijen “Diamond Princess”.

Studimi po kryhet në një qendër në Nebraska dhe medikamenti është prodhuar për luftën kundër Ebolas dhe Marburgut. Ndërkohë Kina dhe ShBA janë në krye të vendeve që pretendojnë se së shpejti do të kenë vaksinën kundër CoVid - 19.

Kur “qeveria” e sotme e Tiranës dhe “Regjenca” lindën nënë hijen e bajonetave gjermane, ne thamë se ky kompromis me armikun do të shpinte në trathëti. Kur në Mukje “Balli Kombëtar” nuk desh të bëhej fjalë për okupatorin gjerman, po me formulën prej kauçuku të luftës kundër çdo okupatori eventual, desh të vazhdonte këngën e tij mi “rezikun grek e sërb”, ne thamë se kjo kompromizë me armikun do ta hithte “Ballin” m’atë anë të barikadës, me okupatorin nacist kundër popullit shqipëtar dhe aleatëve të tij të mëdhenj e të vegjël.

Media të ndryshme raportojnë se zv.ministri iranian i Shëndetësisë, Iraj Harirchi është infektuar me koronavirusin e ri që po përhapet në mbarë botën. Ai është vendosur në karantinë ndërkohë që mbarë vendi i është nënshtruar masave kufizuese për sëmundjen. 

Ka ndërruar jetë në moshën 91 vjeçare ish-presidenti egjiptian Hosni Mubarak. Televizioni shtetëror i Egjiptit ka raportuar se Mubarak vdiq pasi iu nënshtrua një operacioni disa javë më parë. Një figurë e rëndësishme e Egjiptit ta pasluftës së Dytë Botërore, Mubarak erdhi në pushtet pas vrasjes së ish-presidentit Anvar Sadat që nënshkroi paqen e “Camp Daivid në vitin 1979 dhe mori ccmimin “Nobel” pwr kwtw bashkë me homolgun e tij izraelit, Menachem Begin.

Banorët e Matit vijojnë protestat kundër ndërtimit të Hecit pranë Parkut Kombëtar të Zall-Gjocaj. Teksa janë në pritje të seancës së radhës gjyqësore, banorët bëjnë thirrje që kompania të tërhiqet nga punimet.

TvT

Presidenti Ilir Meta ka dorëzuar kallëzim penal në prokurorinë e posaçme (SPAK) në adresë të Ministres së Drejtësisë Etilda Gjonaj, si dhe të disa zyrtarëve të lartë të institucionit në fjalë. Në fjalën e tij pas dorëzimit të kallëzimit, Meta u shpreh se rilindja dhe qeverisja e ‘rilindjes’ janë një murtajë për vendin dhe se ai i pret qytetarët më 2 mars për të luftuar kundër kësaj sëmundje. Presidenti ka shtuar më tutje se është detyra e tij kryesore që të ruajë Kushtetutën. Sipas tij, ajo që ndodhur është ngjarja më e rëndë në historinë e shtetit shqiptar, ndërkohë që po vlerësohen fakte

Ish-kryeministri i Francës, François Fillon do të jetë që nga sot palë ndërgjygjëse për skandalin e punësimeve të rreme. Në vitin 2017, Fillon ishte kandidati favorit për të fituar zgjedhjet presidenciale, pas një karriere të suksesshme nën ish-presidentin Sarkozy. Por një revistë e përjavshme satirike franceze, “Le Canard Enchaîné”, publikoi “çudinë” e këti kryeministri konservator: kishte punësuar gruan e vet, Penelope si asistente në Parlament, por që nuk kishte bërë asnjë gjë të tillë në të vërtetë. Punësimi ishte thjesht formalitet në bordero.

Iraku, Bahreini, Afganistani dhe Kuvajti kanë raportuar rastet e para të pacientëve me koronaviorus, që sipas tyre lidhen të gjithë me kontaktin me Iranin. Në Kuvajt u konstatuan tre raste mes 700 personave që u evakuuan nga qyteti verilindor i Iranit, Mashhad. Në Bahrein njoftimin e ka dhënë Ministria e Shëndetësisë që raportoi se një qytetar ka rezultuar pozitiv pasi ishte kthyer nga Irani.

Presidenti serb Aleksander Vuçiç ka deklaruar gjatë një interviste për Tv Prva se Serbia nuk do të pranojë ultimatume për Kosovën, por as do të refuzojë ofertat e bëra. Ai ka paralajmëruar se nga fundi i vitit do të bëhet një ofertë të cilën Serbia nuk do të jetë në gjendje ta pranojë.