Lajme

Ndodh edhe kështu. Dhe do të ndodhin të tjeta gjëra sa kohë njerëz si Bamir Topi të jenë të bindur se shqiptarët janë dele. Raportohet se përveç kufizimeve që zotëria në fjalë i bëri rrugës ku ka vilën e vet, si shpallja e saj “Rrugë Private”, së fundmi i ka shtuar edhe një derë hekuri. Si mund të ndodhë kjo? Është çudi e madhe sesa shumë janë të pagdhendurit në këtë vend, kur po të krahasojmë edhe me jashtë, rruga drejt vilave apo blloqeve rezidenciale nuk shpallet rrugë private. Përtej kangjellave po. Ose kur e gjithë toka rrethuese është private. Ç’ti thuash kësaj?

Edhe pse më në fund u mundësua krijimi i saj, Gjykata Speciale për krimet e luftës në Kosovë mund të rezultojë një histori dështimi, thotë analisti amerikan, Daniel Serwer. Kjo sepse edhe EULEX ka dështuar, çka tregon se korrupsioni është i plotfuqishëm në vend, ndërkohë që provat e krimeve të luftës janë vjetruar dhe se ka rrezik që procesi të mos jetë i drejtë.

Para disa ditësh kryeministri njoftoi publikisht se nuk do të ketë ndryshime në qeveri. Një qëndrim që pasoi një muaj thashethemesh dhe aludimesh se koha për të rifreskuar kabinetin kishte ardhur. Si duhet konsideruar ky vendim? Ndryshimet në qeveri për Edi Ramën, në planin formal nuk kanë kosto. Ministrat që ai drejton nuk janë deputetë dhe në çdo rast, nxjerrja e tyre nga drejtimi administrativ, nuk konvertohet në ndonjë rrezik vote në Parlament. Jemi në vitin e tretë të qeverisjes dhe është e logjikshme që të mendohet për të korrigjuar diçka. Mirëpo kryeministri mendon të kundërtën.

Në një intervistë ekskluzive për "Albanian Daily News", kryetari i Kuvendit të Shqipërisë, Ilir Meta tha se: “Kuvendi nuk është arenë gladiatorësh, por e diskutimeve intelektuale dhe debateve profesionale. Historitë personale dhe emocionet e pakontrolluara nuk duhet ta justifikojnë arrogancën, fjalorin e rëndomtë apo përleshjet fizike”. Gjatë intervistës Meta tha se nuk ka asnjë dyshim që zgjedhjet e fundit lokale kanë arritur standardet më të mira ndonjëherë dhe që ato ishin një demonstrim i kulturës demokratike të popullit dhe votuesve shqiptarë në të gjithë vendin.

"Ne do bëjmë shtet". Për publikun shqiptar tingëllon si një togfjalësh sa ushtarak aq edhe teatral, por në fakt ky ka qenë zotimi politik i Edi Ramës kur kërkoi votat për t'u bërë kryeministër i vendit.  Parrullë të cilën e ka përsëritur kur i është dashur të justifikojë brutalitetin e aksionit për vjeljen e detyrimeve të prapambetura të energjisë dhe atë të ndërtimeve pa leje. Një mesazh që u përcoll nga lart poshtë për të na kujtuar se nuk ka tolerancë me ligjin kur bëhet fjalë për të marrë ato që i takojnë shtetit, me hir apo me pahir.

Në folkun popullor mendohej se ishte Vlora kryeqendra e historive me “perla turistike”, nga çmimet, tek shërbimi i kamarierëve e tek batutat e kuzhinierëve apo pronarëve. Por në rrugën e pandalshme drejt turizmit cilësor, një rast i freskët vjen nga Saranda. Siç njofton shqiptarja.com, pronari i një hoteli në Sarandë është denoncuar në polici nga dy turistë polakë sepse nuk u jepte pasaportën dhe ndaj tij ka nisur procedimi në gjendje të lirë.

Paskal Milo e ka një ide sesi po qeveris Edi Rama dhe këtë vendosi ta thotë publikisht, pasi siç thotë nuk ka marrë atë që I është premtuar për bashkëqeverisje me Partinë Socialiste. Në një interevistë për Gazetën Shqiptare ai evidenton problemet që ka lidershipi i koalicionit për pasojë dhe qeverisja e vendit.

Disa media “vunë re” se ministri i Brendshëm, Saimir Tahiri, kishte një sy të nxirë gjatë aktiviteteve të fundit në Jal. Dhe nuk vonoi “shpjegimi”, në të cilin jep kontributin e vet edhe ish-kryeministri, Sali Berisha. Sipas tij, Saimir Tahirin e ka goditur kryeministri Edi Rama. Diçka e pakonceptueshme. Mirëpo Berisha nuk ndalet kur shkruan se përvoja të tilla kanë patur edhe Shkëlqim Cani, Ilir Beqja, apo Arben Ahmetaj.

Kundërshtari i madh që po mban zbrazur arkën e doganave shqiptare është gjetur. Dhe merita duket se është e konsulentëve britanikë të Croën Agents. Së fundmi është bërë bllokimi më i bujshëm i kohëve të fundit me sekuestrimin e 172 kilogramëve duhan të grirë, thotë Monitor duke cituar një njoftim të Drejtorisë së Përgjithshme të Doganave. Në luftën kundër tregtimit të mallrave kontrabandë DPD organizoi kontrolle në terren në Elbasan dhe në Bashkinë e Kamzës.

Është kthyer në sagë historia e aksidentit fatal rrugor të 32-­vjeçares Bujana Bushi, së cilës sipas familjarëve i janë marrë edhe 100 mijë euro që kishte në çantë. Familjarët janë takuar sot me Presidentin Bujar Nishani, dhe pretendojnë se policia ka tentuar ta fshehë aksidentin, nuk u ka dhënë detaje për mënyrën se si ndodhi, si dhe kanë deklaruar se Bujanës i janë zhdukur të gjitha sendet personale. Aksidentin, familjarët e viktimës e konsiderojnë të qëllimshëm dhe akuzojnë policinë për fshehjen e ngjarjes.