Lajme

Në një aktivitet ku ka marrë pjesë shoqëria civile, prefekti i Tiranës, Afrim Qendro ka folur për nevojën e afrimit të ekspertëve shqiptarë që banojnë jashtë në vendin tonë. Idenë e Qendros e kanë përkrahuar edhe pjesëmarrës të tjerë, duke ilustruar kështu se politika mban gjallë rituale retorike për tema që nuk kanë kuptim. Ne mund të pyesim që tani: për cilën arsye një shqiptar që investon energji, para dhe kohë të shkollohet jashtë vendit, do të donte të vinte sërish këtu? Të bëhej koleg apo vartës me njerëz që kanë përfituar diploma siç përfitohen këtu?

Presidenti i Rusëisë, Vladimir Putin, ka kërkuar nga kryeministri britanik, Boris Johnson, bisedime të menjëhershme për të realizuar arritjen e një marrëveshjeje legales me NATO-n përmes së cilës të zyrtarizohet zotimi se Aleanca nuk do të zgjerohet në Lindje. Kërkesa vjen pas pretendimeve të Moskës se Ukraina po rrit në mënyrë të qëllimshme provokimet në linjën e kontaktit me Rusinë duke kërkuar ndërhyrjen e Perëndimit.

Sot u publikuan targat e makinave. Në fakt shumë gazetarë i kanë patur ato dhe regjistrin e gjendjes civile. Prej kohësh. Ajo çfarë të kap pak në befasi, apo të shtie në mendje kjo që po ndodh është fakti se teksa sheh në regjistër targën e makinës, asociuar me emrin, kujtohesh se këta që administrojnë të dhënat kanë edhe numrin e telefonit. Adresën, etj..

Ministri Ekonomisë të Kosovës, Artane Rizvanolli, ka deklaruar se vendi po përballet me krizë energjetike për shkak të ndërprerjes së furnizimit nga Serbia.

Serbia ka bllokuar linjat e energjisë me ne dhe kjo nuk është diçka e re. Megjithatë në një situatë krize si kjo, e përkeqëson më tej situatën. Provokon ngarkesë në rrjetet e vendeve të tjera po ashtu

ka thënë Rizvanolli.

Sali Berisha ka pranuar sot në MCN TV se marrëveshja e majit 2017 penalizoi Partinë Demokratike. Më tej z. Berisha ka shtuar se i ka kërkuar dorëheqjen Lulzim Bashës, që sipas tij është refuzuar. Ish-kryeministri i vendit ka ecur më tej: ai e ka interpretuar majin e 2017-ës si një manovër të Edi Ramës që “shpiku” idenë e bashkëqeverisjes sapo kuptoi se sondazhet nuk e nxirrnin fitues.

Vetëm një në njëmijë britanikë e ka origjinën nga fiset vendase që kanë jetuar në ishull 11 mijë vjet më parë. Pjesa tjetër rrjedhin kryesisht nga bujqit e hershëm evropianë që mendohet se mbërritën në Ishujt Britanikë rreth 6000 vjet më parë, të cilët nga ana e tyre rrjedhin nga bujqit e Anadollit. Në hapësirën e disa qindra viteve, këta fermerë të hershëm evropianë zëvendësuan më shumë se 99 për qind të popullsisë vendase britanike.

Dy studime britanike – një nga Skocia dhe një nga Anglia – tregojnë se shkalla e hospitalizimit nga prekja e variantit Omicron të Sars-Cov-2, është më e ulët krahasuar me variantin Delta.

Po themi se ky kualifikohet si lajm i mirë, ka vëzhgime që tregojnë se statistikisht ka një rrezik të ulur për hospitalizime

është shprehur Jim McMenamin, një ndër autorët e studimt në Skoci.

Ajo që ndodhi dje me Partinë Demokratike të ngujuar në Pallatin e Kongreseve ishte asgjë më shumë sesa një mizaskenë e ideuar nga dhaskalë provincialë me maksima filozofike antikomunizmin publicistik.

Shtetet e Bashkuara të Amerikës kanë njoftuar përfundimin e angazhimit ushtrarak në Irak. Në këtë kuadër nuk do të ketë lëvizje të mëdha trupash, por do të ketë rishikim të rolit të tyre në terren.

Vendimi vjen pak muaj pas një takimi të presidentit amerikan, Joe Biden dhe kryeministrit iraken, Mustafa al-Kadhimi prej nga ku u njoftua se pas datës 31 dhjetor 2021, në Irak nuk do të ketë më trupa ushtarake amerikane me detyrë luftarake.

Pse njëri bënte zullume pas shpine…unë nuk di gjë për vendimet që janë marrë. Unë nuk merrem me procedurën dhe di që nuk ka pasur kontestime. Di dhe që veprat janë aty. Inceneratorët janë sukses i qeverisë. Në asnjë vend nuk do ndodhte kjo pasi në vendet normale dhe sjelljet normale të çdo demokracie përcaktojnë që përgjegjësia është individuale