Policia heq nga vetja ‘fajin’ e arrestimit të Kajollit. Pse vallë?

Mnistri i Rendit është ngutur për ta hequr nga vetja ‘përgjegjësinë’ për arrestimin e Fatmir Kajollit, gjë që nuk është fort e zakontë për policinë e Berishës; kjo e fundit e ka zakon të mburret me çdo arrestim. “Është një listë me persona që kërkohen nga shteti italian, ngaqë janë dënuar me vendime të formës së prerë nga gjykatata e atij shteti, por kjo listë nuk është në duart tona. Është në duart e Prokurorisë, dhe kur kjo e fundit është e gatshme, i jep urdhër policisë për ta zbatuar”, tha Nishani d.v., duke lënë të kuptohet se arrestimi i Kajollit nuk ka ardhur nga një vullnet ‘politik’ i policisë.

Por po kaq është ngutur dhe prokuroria për ta përgënjeshtraur këtë pretendim. “Lista në fjalë është në duart e Zyrës kombëtare të Interpolit, Tiranë, dhe kjo zyrë varte nga policia e shtetit. Sqarojmë opinionin publik, se prokuroria nuk është institucioni, të cilit autoritetet e huaja i komunikojnë listën e personave në kërkim ndërkombëtar”, saktësoi prokuroria.

E.G.