Mapo: PD-ja do ta konsiderojë Nanon si kandidat, kur ky të të mbledhë 20 firmat

Fatos Nano ka shpallur ambicien e tij për president dhe deri më tani (nga aktorët kryesorë politikë) ka takuar kryetarin e PS-së, Edi Rama dhe atë të LSI-së, Ilir Meta. Por me kryeministrin Berisha (edhe pse ky i fundit është shprehur i gatshëm për takim), Fatos Nano do të duhet të shkojë me një rezultat konkret; 20 firmat nga PS-ja që e bëjnë atë të paktën ligjërisht kandidat zyrtar për president.

Sa më sipër e thotë e përditshmja Mapo, por duke u bazuar në burime të vetat pa emër nga brenda Partia Demokratike. Këto burime pra thonë se kandidatura e Fatos Nanos do të diskutohet në tryezën e negociatave vetëm nëse ai siguron kandidimin zyrtar, pra fillimisht marrjen e 20 firmave të domosdoshme për t’u futur në lojë. Do t’ia dalë? Dy ditë më parë, Sekretari i Përgjithshëm i LSI-së, Luan Rama e la një dritare të hapur për Nanon teksa u shpreh se PS-ja duhet ta kandidojë për postin e Presidentit. Por zyrtarisht, nga selia rozë nuk ka një qëndrim zyrtar rreth kandidimit të Fatos Nanos, duke u fokusuar tek procesi që duhet të ndiqet. Përmes kontakteve, Nano ka mundur që të sigurojë deri më tani votën e Vangjel Dules, kryetarit të PBDNJ-së.

Re.Pu.