Islami: President, jo ata që vetëshpallen

Zgjedhja e presidentit ishte argumenti qendror i disa prej gazetave kryesore sot në vend. Mapo hapet me një intervistë të ministrit të Shëndetësisë, dhënë tek ABC News, i cili shprehet se Presidenti i Republikës nuk mund të zgjidhet pas një kombinacioni numrash për të arritur thjesht shifrën prej 71 votash në Kuvend.

Gazeta Shqiptare ndërkohë ka intervistuar Teodor Laçon, shkrimtarin dhe politikanin e djathtë, i cili sheh Jozefina Topallin si kandidaturën më të mundshme për t’u zgjedhur duke marrë parasysh konfigurimin e Kuvendit, por kjo nuk është preferenca e tij. Nëse do të ishte në dorë të Laços, ai do të preferonte një kandidaturë si ajo e Neritan Cekës.

Disi më interesante ishte intervista e deputetit Kastriot Islami tek Panorama, i cili është përfolur si një kandidaturë për President. Sipas tij, çështja e kandidatëve i përket aktorëve politikë që negociojnë dhe jo atyre që vetëshpallen duke rrëzuar kështu në parim Fatos Nanon apo Neritan Cekën.

Re.Pu