Kryeministri i Shqipërisë hap edicionin e Facebook me letra nga populli në Angli

Kështu shkruan kryeministri Rama në Facebook.

Në fakt, përveç se një gjë e pabesueshme që në Europën e muzeve ai i Shkodrës të bëjë vend më vete,  shkrimi në vetvete sjell përvojën e lexuesve të gazetës “The Guardian” sipas parimit, “lexuesi ka zërin e vet”.

Prezantimi i kësaj loje mediatike në faqen e një kryeministri shkon gati në kufijtë e perversitetit ndaj popullit tënd që po i thua të hapë sytë me teleskopë të jashtëm për të parë si duhet vendin e vet.

Sepse nëse e sheh rubrikën në gazetën në fjalë, ajo është me shumë material; dikush ose ka qëlluar që lexon për muzeun e Shkodrës, ose kanë shkuar e kanë rrëmuar për të gjetur atë çikë lajm të mirë për këtë vend ku kapardiset një kryeministër që e mburr bota mbarë, por shqiptarët jo. Edhe pse i ngrenë këngë, e votojnë qorrazi, e pëlqejnë, mor po edhe bust do t’i bëjnë këtij. Por jo, ky do 100% të shqiptarëve ta brohorasin dhe për këtë i shërbejnë edhe këto karamelet me lajle-lule që shpërndan majtas-djathtas.