Sokol Balla në Mapo: Pushteti don të fshehë lodhjen me fallxhoret, çingijet, avatarët e cheerleader-at e vet

Në një shkrim të vetin të publikuar në Mapon e sotme, Sokol Balla lë të kuptohet se Berisha kish shkuar tek Fevziu të enjten e shkuar thjesht sepse – thotë Balla – “donte (sa keq, amá, pa sukses) të zbehte daljen televizive paralele të Edi Ramës, të sapokthyer nga Amerika”. Në këtë shkrim, moderatori i programit Top Story përqesh tentativën e maxhorancës për të fshehur dështimet e sotme e për të festuar fitore të dikurshme me “çingije, cheerleader e avatarë”. Nuk kuptohet mirë se ç’ka pasur në mendje me ‘çingijet’, por kuptohet qartë se me termin avatar (në kuptimin ‘hije e Berishës”?) ka në mendje Lulzim Bashën, dhe me termin cheerleader (cheerleaders quhen vajzat e veshura me breçka e kanotiere, të cilat nxisin tifozët me format e hiret e tyre në ndeshjet e futbollit e basketbollit amerikan) ka në mendje Jozefina Topallin, të cilën Balla e ka parë ditën e tubimit që ‘sforcohej e tundej’ në tribunë. Por nuk i rrihet pa i futur një të pickuar të fortë moderatorit të programit Opinion, me të cilin hahet çdo të enjte për audiencë. “Fallxhorja e Berishës të enjten mbrëma”, e quan.

Re.Pu.