Një ushtar amerikan, pas një kolapsi nervor, bën një plojë mbi afganë të pafajshëm

Ngjarje e pabesueshme. Një ushtar amerikan, i armatosur, në orën tre të natës, lë bazën e tij diku në Afganistan, del pa bërë zë, drejtohet nga shtëpitë e fshatit aty pranë, hap dyert e hap zjarr kuturú mbi këdo që i sheh syri. Në shtëpinë e parë ka vrarë 11 persona, e më tej dhe shtatë viktima në dy shtëpi të tjera. Mes tyre ka pasur dhe fëmijë 2-3 vjeç. Përveç të vrarëve, ka patur dhe të plagosur.

Ka qenë e gjitha rezultat i një kolapsi nervor. Vetë ushtari, pasi ka kryer këtë plojë, është kthyer në bazë dhe është dorëzuar tek shefat e tij. Ekziston frika se ky gjest i çmendur vetanak i këtij ushtari (ish tek pullë”, thanë dëshmitarët afganë) mund të provokojë trazira të ngjashme me ato, që pasuan djegjen e Kuranit nga ana e disa ushtarëve.

Re.Pu.