Rama Berishës: Unë ia bëj ciu-ciu, por ti ia bën ham-ham

Sot Rama kish publikuar në twitter disa mesazhe njëri pas tjetrit, ku përcillte shqetësimin mbi politikën fiskale të qeverisë e mbi sigurimet shëndetësore që aplikohen tek ne. Në logjikën e Berishës, kjo ka qenë dita e ciu-ciut për Ramën. Ai thotë se Rama “bën ciu-ciu nga twitter-i”, dhe  e thotë aq shpesh sa të jep përshtypjen se është i shqetësuar me këtë qasje kibernetike të rivalit të vet. Ky i fundit ia ka kthyer përgjigjen sot në stilin berishian; po aty, në twitter. Në një nga mesazhet thuhej gërmë për gërmë: “Ndryshimi midis ciu-ciut dhe ham-hamit është ndryshimi midis qytetarisë e barbarisë”.

Në fakt, duket se që të dy kanë të drejtë, dmth ka të drejtë Berisha kur thotë se Rama ia bën ciu-ciu e ka të drejtë Rama kur thotë se Berisha ia bën ham-ham.

M.N.