Gjyqtari Ardian Dvorani: Fatmir Mediu duhet të ish tërhequr nga politika pas Gërdecit

Anëtari i Gjykatës së Lartë, Ardian Dvorani, ka dhënë një intervistë për rubrikën Lunch të shqiptares.com, në të cilën thotë se gjyqi e Ilir Metës, “sikur të kish vazhduar, do të ish mbyllur më me dinjitet”. Dhe e lë me kaq; nuk shpjegon se ç’don të thotë me këtë. Por bëhet më i qartë, madje tamam i qartë, kur flet për ngjarjen e Gërdecit, në të cilën humbi jetën dhe i vëllai, që punonte në atë fabrikë për të fituar bukën e gojës. Nuk futet në arsyetime mbi korrektësinë ligjore të asaj sipërmarrjeje vrastare, por beson se shpërthimi është aksidental, e prandaj nuk konsideron fajtorë biznesmenët (për shpërthimin, kuptohet). Por një fajtor ‘e di mirë’ se kush është. “Më vjen keq kur e shoh këtë ministër që qesh në fushata, dhe që u fsheh pas procedurave pa patur kurajon morale të tërhiqej nga jeta publike”, thotë ai. Për kë e ka fjalën? Me siguri, për ish-ministrin e mbrojtjes atëmot, që sot është ende ministër. Për Fatmir Mediun.

Re.Pu.