Opozita në Kosovë: Sa herë kritikohet, Thaçi fshihet pas Amerikës e Europës
Tri partitë opozitare, LDK-ja, AAK-ja dhe Vetëvendosja , të cilat një ditë më parë janë gjykuar nga kryeministri Hashim Thaçi, për antiamerikanizëm, udhëheqje të dobët dhe revolucionarizëm, i janë kundërpërgjigjur shefit të Qeverisë, me të njëjtën masë, të mërkurën.
Ato e kanë cilësuar Thaçin si njeri të papërgjegjshëm që përpiqet t’i mbulojë dështimet në qeverisje duke e sulmuar opozitën dhe duke u fshehur pas SHBA-së dhe Evropës. Nuk i kanë lënë anash as etiketimet për të.
Partia e Ramush Haradinajt e ka quajtur të “paedukatë” dhe të “pacipë”.
LDK-ja e ka portretizuar si njeri të dështuar që është bërë për t’u vajtuar.
Ndërsa “Vetëvendosja” e ka cilësuar si dhunues të vullnetit të qytetarëve që nuk zgjedh mjete për ta ruajtur pushtetin që aktualisht e ka.
Gjatë një tubimi me simpatizantët e PDK-së në Lipjan, Thaçi është shprehur se po të ishte gjallë ish-presidenti i Kosovës, Ibrahim Rugova, do të çuditej me veprimet që i bëjnë sot njerëzit në partinë që ai e ka themeluar. Por Beqiri është kundërpërgjigjur: Po të ishte Rugova gjallë, Thaçi nuk do të ishte kryeministër.
Ndryshe nga LDK-ja, partia tjetër opozitare nuk është akuzuar nga kryeministri Thaçi për antiamerikanizëm, por për lidership të dobët. “Edhe Haradinaj po të ishte këtu do të qeshte njëjtë me njerëzit që po e udhëheqin partinë e tij”, ka thënë Thaçi, teksa i është referuar kundërshtimit që kjo parti i ka bërë marrëveshjes së fundit me Serbinë. Ky vlerësim e ka irrituar sekretarin e përgjithshëm të kësaj partie, Burim Ramadanin. “Unë i garantoj Hashim Thaçit se Ramush Haradinaj po ndihet keq për atë që po ndodh në Kosovë dhe se në çfarë gjendjeje e ka prurë Thaçi Kosovën. Nuk ka hapësirë për të qeshur dikush me të tjerët. E vërteta është se qytetarët e Kosovës po qajnë nga kjo qeverisje”, është shprehur Ramadani.
Gjuha kritike kundër Thaçit është sforcuar edhe më nga aktivistët e Vetëvendosjes. Ky subjekt politik është akuzuar nga shefi i Qeverisë për shfaqje të tendencave për ta marrë me dhunë qeverisjen e vendit.
“Nuk e dorëzoj shtetin para askujt dhe është mirë që ata që dolën para Qeverisë të hënën e kanë kuptuar mesazhin e vijës së kuqe. Ata po duan dhunshëm t’i marrin kufijtë dhe institucionet, por aty ka vijë të kuqe”, ka thënë Thaçi.
Kësaj deklarate i është përgjigjur sekretari Dardan Molliqaj, duke rikujtuar se është vetë Hashim Thaçi ai që e ka marrë pushtetin nëpërmjet vjedhjes industriale të votës së qytetarëve gjatë zgjedhjeve në vitin 2010.
Marrë pjesërisht nga Koha Ditore
Comments
Qe te treja keto Parti si LDK
<p>Qe te treja keto Parti si LDK si AAK si Vetfundosja e kishin rastin e mire ne se nuk ju kish pas pelqyer Thaqi qe ta largonin Thaqin ne votimet e fundit.</p><p>Ishte shum e lehte.</p><p>Mjaftonte nje koalicion mes te trejave para votimit , nje bashk rendim i fushates e nje bashkpunim ne procesin e votimit duke i bashkuar e forcuar komisioneret e tyre ne cdo qender votimi e keshtu me shumice te dukshme votash e kishin rrezuar Thaqin nga Qeverisja.</p><p>Mirpo nuk ben keshtu.</p><p>Hyne sejcila me k-oqet e veta ne Votime dhe Thaqi morri votat qe i duheshin per te vazhduar Qeverisjen.</p><p>Ndoshta keshtu kishin porosi nga Shiku kreret e ketyre 3 partive meqe e marrin nga pak doren atje edhe se lehin ndryshe.</p><p>Ne fakt dhe AAK dhe LDK jan provuar ne Qeverisje, qofte vet si AAk apo LDK qofte kur Thaqi u ka ofruar poste te rendesishme perfaqsusve te ketyre dy partive dhe qofte vetem e qofte bashk LDK e AAK e qofte si ministra e drejtore ne Qeverite THAQI keta nuk kan bere ndonje veze te kuqe. Njesoj te korruptuar e njesoj te paafte si te tjeret.</p><p>Shkurt hesapi pun koqovaresh ne Kosove sikurse ne Shqiperi pun shqipotaresh.</p><p>Prandaj nuk jan te besushem kur lehin vec e vec apo bashke keto Parti.</p><p>Eshte e vertete se VV nuk eshte provuar ne Qeverisje mirpo kjo hordhi kalamaqerish eshte provuar fatmiresisht ne rruge.</p><p>Keshtu qe nuk ke cfar pret ne Kosove nga askush.</p><p>Eshte si eshte Thaqi po mundohet te coje perpara disa gjera qe Bota ja kerkon.</p><p>Nuk mbetet tjeter vec ti urohet Suksese Thaqit nji her per njihere dhe Shqiperia te mos nderhyj ne punet e tyre sepse eshte si te nderhyje Erion Veliu ne Laboratoret e Mikrobiologjise ne Kamze.</p><p>E sidomos kaqoli Kreshnik nuk duhet te duket fare andej me ata debatikasit e tij injorante e kokboshe idiota.</p><p>As ky Shkullaku te mos mendoje se Kupton dicka nga Kosova e se kan vlere cfar perallash ai tregon.</p><p>As Edvini te mos i fryje Albinit ne b.ith a ne vesh kunder Thaqit se demton rende Kosoven.</p><p>Po as Saliu te mos ngutet sepse Populli thot, kush ngutet permutet.</p><p>Shkurt Mos u perzini ne pun qe fare nuk i dini.</p><p>Se beni Si Enveri qe perzihej dhe ne ceshtje Pusesh Nafte.</p><p>Flisni per katundet e gjysherve tuaj qe i njihni mire.</p><p>PSh a behet Shtogu ne Roskovec apo Kocimaret ne Cakran.</p><p>Ne pe Bilishti psh marrim vesh nga Qepet.</p><p>Kur te shkoni me Precin ne Zadrime ju coj une qepe Lotuse qe te tu dalin Lot e Qurre rreke.</p><p> </p>
Kur akuzohet nga Europa
<p>Kur akuzohet nga Europa fshihet pas popullit, kur akuzohet per krime fshihet pas lavdise se luftes, kur te huajte bejne dicka te mire per KS ky i pervetson, kur duhet dhene ndonje sqarim ky e mjegullon, kur duhet te ike ky shfaqet, kur duhet te shfaqet ky fshehet etj etj. 'Eshte zhivë' thone nga Kosova, po gjithnje i hendikepuar me padijen dhe me genjeshtren qe i rrijne si re mbi koke.</p>
Add new comment