Gjendet një listë njerëzish, me të cilët Bashar al-Assadi ka pasur hesape për të larë

Agjencia informative Mother Jones ka shtënë në dorë një dokument komprometues për regjimin sirian. E vërteta është se krimet që janë bërë gjatë muajve të fundit janë ku e ku më komprometuese, por ky dokument është edhe më spektakolar në metodikën e krimit. Është fjala për një listë personash që regjimi i Bashar al-Assadit ka programuar për t’i goditur. Janë 718 faqe, të tëra në gjuhën arabe dhe, përveç emrave dhe të dhënave anagrafike, përmbajnë adresën e banimit, numrat e telefonit, e të dhëna të tjera mbi aktivitetin që kryejnë. Është pra një operacion kolosal me synimin për të asgjësuar opozitën reale. Përfundimi ku kanë arritur ekspertët është se regjimi, krahas bombardimit të pareshtur të qyteteve Homs dhe Hama, ka gjurmuar hap pas hapi dhe mijra individë, të cilët i ka spinuar e përgjuar, i ka marrë në pyetje, i ka prangosur, i ka torturuar, e në shumë raste të tjera më keq se kaq.

Re.Pu.