Sa po vuan maxhoranca që s’mundi të shkarkojë një zyrtar të dorëhequr!

Dorëheqja e nënkryetarit të KLD-së ia dogji planet kryeministrit, i cili kish planifikuar ta shkarkonte. E për këtë arsye, Berisha ka porositur Halimin e vet që në mbledhjen e sotme të KLD-së të kërkojë shkarkimin e Spahiut, e të mos pranojë dorëheqjen (!!!). Mirëpo Topi, në krye të KLD-së, nuk është ndalur shumë tek kjo çështje; e ka hedhur në votim, dhe kaq. Dhe kështu Halimit nuk i mbetet shumë për të raportuar tek boss-i, veçse t’i thotë se nuk mundi t’i imponohej KLD-së për të shkarkuar Spahiun e dorëhequr, dhe se ai vetë e akuzoi në sy kreun e shtetit se po pengonte hetimin ndaj Spahiut.

Por Berisha është duke  e kërkuar një “sukses” edhe në këto rrethana. Ka porositur Alibeajn e vet, sipas Balkaneeb-it, të publikojë sot raportin që do t’i dërgohet parlamentit, në të cilin i kërkohet prokurorisë të nisë procesi penal ndaj Spahiut.

“Do paraqes kallëzim penal për zyrtarin shtetëror Kreshnik Spahiu, nënkryetar i KLD-së, për shkak se ka shpërdoruar detyrën duke mos sjellë pranë komisionit hetimor shkresa, të cilat janë kërkuar”, ka thënë Alibeaj. Dhe me këtë kinse “padi” të Komisionit parlamentar ad hoc mbyllet kjo histori.

M.N.