Ideja kryeministrore për shtetësinë ka mbjellë shqetësim

Kryeministri Berisha hodhi para ca ditësh idenë e dhënies së shtetësisë për të gjithë ata që kanë investuar në Shqipëri 100 mijë euro e që, kuptohet, do duan ta marrin këtë shtetësi. Është një ide e thatë, e pazhvilluar dhe e pashpjeguar deri në fund (nëse kryeministri ka për të thënë më shumë se sa kaq), por ka mbjellë alarmin gjetkë. Në fillim u shfaq shqetësimi elektoral i opozitës, por merrej vesh se është një shqetësim i egzagjeruar (këtë të opozitës, të djegur nga qulli, i fryjnë dhe kosit), por sot është shfaqur shqetësim nga organet e sigurisë. Sipas gazetës Shqip, disa analistë e ekspertë të shërbimeve sekrete shqiptare që kanë ngritur prej kohësh zërin lidhur me investime të natyrës mafioze shohin tek ky propozim një munndësi  të zyrtarizimit të këtyre investimeve të mafia-s, kryesisht ruse, por edhe të vendeve të tjera të lindjes.

Alarmi i shërbimeve sekrete është me vend përballë këtij propozimi, por gjasat janë që ky propozim të jetë hedhur sa për të bërë zhurmë, me të cilën kryeministri synon të eklipsojë debatin mbi 21 janarin, apo çështje të tera që kanë të bëjnë me të në këtë moment.

Re.Pu.