Berisha ndeshet me Ramën; ose kamerat TV ndeshen me mesazhet twitter

Berisha ka marrë pjesë në një takim rinor, dhe aty ka thënë se “unë Ramën e kam mundur, se ai bëri 100 protesta, por unë e kam bërë të pranojë ato që unë i thoja dy vjet më parë, se ai s’mundi t’më imponohej, se unë po përmirësoj universitetet, se turizmi ka njohur rritje; etj, etj”. Të gjitha këto mesazhe ai i tha përballë kamerave televizive, të cilat e eksitojnë gjithë herën.

Ndërsa Edi Rama ka qenë në Preshevë, dhe prej andej iu përgjigj Berishës me mesazhe twitter. Ia kanë qortuar praninë publike me ndihmën e këtyre mesazheve, por nuk duket se janë një ide e keqe, nëse përdoren si një medium alternativ, e jo ekskluziv; sidomos në rrethana të tilla, si këto të sotmet. Dhe tha: “Universitetet sot të mbingarkuara në dëm të cilësisë. Papunesia rinore përvit më e larte. Programi ynë rilind universitetet dhe ul papunësinë”, ose “Fjalë e k/ministrit sot para të rinjve një bllof i madh. Çoroditje e gënjeshtra si përherë - turpëruese për shoqerinë tonë. Ora e ndryshimit po troket fort.”

Duket sikur po ndeshen kamerat me twitter-in. Kush do fitojë?

Re.Pu.