Bamir Topi gazetarëve: Stop! Jam President, dhe vetëm President.
Më në fund është Presidenti Topi që vendos t’i japë fund lojës që hapi vetë një ditë prej ditësh (në programin e Sokol Ballës, nëse s’gabojmë) e që nuk e kish parashikuar që do zgjaste pa fund. I pyetur në Ersekë, me pamje të bezdisur, dhe i velur prej pyetjeve të kësaj natyre, ai tha se po flet njëherë e mirë: “Deri në momentin që do të jem President i Republikës, unë do të vazhdoj që me shumë seriozitet, me shumë konseguencë të zbatoj të gjitha detyrimet kushtetuese të Presidentit të Republikës…. E thashë dhe besoj që do të vlejë deri në fund të mandatit tim. Është një përgjigje shteruese. Mos e bëni më këtë pyetje! Pastaj, pas përfundimit [të mandatit presidencial], më takon mua të them se çfarë do të bëj dhe ku do të jem”.
Një gazetari që këmbëngulte të rrihte të njëjtën gozhdë, ai ia preu shkurt: “Nuk jeni vetëm ju këtu; ka dhe kolegë të tjerë”.
Do jetë mirë ta mbajë fjalën; mirë për të e mirë për të gjithë; dhe keq për ata që s’do kenë sebep ‘për t’u krruajtur’ pa fund me presidentin-kryetar partie.
E.G.
Comments
Edhe semaforet e kuq vet i
<p>Edhe semaforet e kuq vet i kane vendosur dhe po vet i shkelin, gjobat i hame ne.</p>
Add new comment