Tender në Greqi për naftën dhe gazin në ujërat detare pranë Shqipërisë

<p>Nje saktesim me detaje:Zonat midis kuadratev 20/40 dhe 21/40 jane as me shume e as me pak ,pronat e shqiptareve te Camerise te mbajtura nen sekuestron konservative dhe te pa rikadastruara nga kadastra e sotme greke.Per te gjithe ata qe jane te ndjeshem ndaj ekuilbrave gjeo-ekonomiko-politik,besoj se eshte nje rast universal per t&#39;u vleresuar.Sigurisht kryeministri i shtetit shqiptar,duhet te jete me i kujdesshem kur flet,&#39;&#39; per degezim te nje koridori qe pikezohet ne İgumenice,dhe nga ku do t&#39;i kerkohet pales greke,nje mini degezim per ne Shqiperi.&#39;&#39;Pra lojrat e medha kane nevoje jo per pragmatist pushteti,por per burra shteti te verte .</p>

<p>&nbsp;</p><p>Opinion</p><p>Kur Mediu &quot;urdhëronte&quot; Rulin në emër të Greqisë</p><p>Nga Idriz Tafa</p><p>&nbsp;</p><p>Fatmir Mediu i ka kryer studimet në fakultetin Gjeologji-Miniera, dega e inxhinierisë së nxjerrjes së naftës. Në vitet 1990-1991 ka qenë inxhinier në ndërmarrjen e nxjerrjes së naftës, Patos. Pikërisht Mediu, &nbsp;kur ishte ministër i Mbrojtjes, një vit para katrahurës së Gërdecit, kishte biseduar me ... ushtarakët grekë për punë nafte në zonën Himarë-Sarandë, duke i kërkuar ministrit të atëhershëm të Ekonomisë, Tregtisë dhe Energjitikës, Genc Ruli të mos i jepte koncension një kompanie britanike për kërkim nafte dhe gazi, sepse do të ndryshohej kufiri detar.&nbsp; Ky fakt aktualizohet në kuadrin e tenderit të ditëve të fundit të Athinës për nxjerrje nafte dhe gazi në afërsi të Sarandës.</p><p>Nuk është e vërtetë se grekët vetëm në vitin 1984 mësuan për ekzistencë nafte dhe gazi në Korfuz. Në vitet 1950-1960 gjeologët sovjetikë kanë bërë sondazhe në det për naftë e gaz që nga Bisht-Palla e Durrësit deri në Sarandë. Dhe kanë gjetur naftë e gaz. Kanë hapur puse prove me specialistët shqiptarë. Ne vitin 1959 një grup sovjetik ka dorëzuar në arkivin e Institutit të Naftës dhe Gazit, atëherë në Vlorë, studimin për gjetjen e naftës në det në zonën Himarë-Kepi i Stillos (G.I. Shushkov dhe I.P.Tkaçev në vitin 1959 kanë rilevuar në rajonin e Himares dhe e kanë përshkruar në studimin &ldquo;Geologiçeskoje stroenjie i perspektivi neftegaznosnosti Himarskoj plloshçadi&rdquo;&nbsp; - Ndërtimi gjeologjik dhe perspektivat e naftë-gazmbajtjes së platformës së Himarës -,Vlorë 1960). Lexoni librin e akademikut Teki Biçoku (1926-2009) &quot;Historia e kërkimeve gjeologjike në Shqipëri&quot;.</p><p>Shihet se grekët i kanë ditur me kohë këto fakte, prandaj më 6 maj 1971 vendosën marrëdhëniet diplomatike me Shqipërinë dhe Kolonelet e Zinj mohuan ekzistencën e &quot;Vorio-Epirit&quot;. Bënë prova me Enver Hoxhën dhe pastaj me Ramiz Alinë për të përcaktuar kufirin detar, por nuk u eci.</p><p>Në vitet 1993-2006 grekët bënë prova me Sali Berishën, Fatos Nanon, Ilir Metën dhe prapë me Sali Berishën. Ish-Ministri i Ekonomisë, Tregtisë dhe Energjitikës Genc Ruli ka sqaruar publikisht, në analizën vjetore të dikasterit të tij, më 4 shtator 2006, se &quot;në bashkëpunim me Ministrinë e Mbrojtjes (Fatmir Mediun) është zgjidhur problemi i kufirit detar jugor të bllokut Joni-5, ngritur nga pala greke... Joni 5 është blloku detar më jugor dhe fillon në vijën horizontale që kalon në majën e gadishullit të Karaburunit dhe vazhdon deri në pikën më jugore të Shqipërisë, duke përfshirë pjesën detare nën këtë vijë horizontale në kufi me Greqinë dhe Italinë&rdquo;. Pastaj Berisha, pasi modifikoi zonën e kërkimit, nxori VKM-në për kompaninë britanike. &nbsp;</p><p>U takon Berishës, Mediut, Rulit të sqarojnë këtë problem, kurse Prokuroria le të bëjë hetimet përkatëse nëse ka dhe shkelje kushtetuese, penale lidhur me ndonjë akt tradhtie apo korrupsioni.</p>