Propozon rrogë minimale 300-400 euro

Në Kongresin e 7-te te Bashkimit te Sindikatave te Pavarura te Shqipërisë, Lulzim Basha ka premtuar se sapo të vijë në qeveri do të sanksionojë një pagë minimale 300 euro, ndërsa në 4 vitet e para paga minimale për të gjithë punëtorët do të bëhet 400 euro në muaj.

“Deklaroj para kësaj asambleje vendimin e PD për të kaluar brenda gjashtë mujorit të parë të qeverisjes masën e rrogës minimale në nivelin e 300 eurove dhe brenda 4 viteve 400 euro. Si një mase e domosdoshme për punëmarrësit, pa të cilët nuk mund të ketë treg të lirë dhe mirëqenie”-theksoi Basha.

Po ashtu Basha tha se sa të vijë në qeveri do të hetojë të gjitha PPP dhe koncesionet me një plan të mirëmenduar që sipas tij do të gjurmojë paranë.