Topi bën propozimin e dytë për kreun e KLSH…një mbështetës të Topit

Presidenti Topi ka hedhur sot propozimin e tij të dytë brenda një harku të shkurtër kohor për postin e kryetarit të Kontrollit të Lartë të Shtetit dhe bëhet fjalë për ish-deputetin dhe ish-ministrin e Partisë Demokratike, Bujar Leskaj. Kandidatura e re e Presidentit pritet, sipas procedurës, t’i kalojë Kuvendit të Shqipërisë për miratim. Bujar Leskaj është propozimi i dytë që i çohet Kuvendit për postin e kreut të Kontrollit të Lartë të Shtetit nga ana e Presidentit Topi, pas rrëzimit të kandidaturës së Sali Shehut. Ajo që i bashkon këto dy kandidatura është fakti se të dy politikanët njihen si mbështetës ose të afërt me propozuesin e tyre, Presidentin Topi. Ndërkohë që kandidatura e Shehut u rrëzua nga mazhoranca, pritet të shihet qëndrimi i deputetëve të PD-së ndaj Bujar Leskajt, ish-koleg deputet dhe ish-ministër i forcës së tyre politike. Në rast se Leskaj nuk ka bërë një pakt paraprak me lidershipin e PD-së që mos t’i kundërshtohet kandidatura, ai pritet të pësojë fatin e të rrëzuarit të parë, Sali Shehut. Në të kundërt, partisë së re të Topit pritet t’i shtohet edhe një eksponent tjetër në formën e një ish-deputeti dhe ish-ministri të PD-së me emrin Bujar Leskaj.

H.B.