Sistemi ynë drejtësisë ta bën të pakuptimtë çdo gjë

Dritan Prifti do shkojë të dëshmojë në gjyqin në ngarkim të Ilir Metës, nëse e thërrasin. Këtë e thotë ai vetë, sipas asaj që thotë Gazeta Shqiptare. “Natyrisht që do të paraqitem në gjyq për të dëshmuar. Dhe aty do përsëris gjithçka që kam thënë, para gjykatësve. Por nuk kam ndonjë shpresë se do bëhet drejtësi. Me sa shoh, të gjithë janë të blerë.”, thotë ai.

Pas vendimit të Gjykatës së Lartë, me anën e të cilit nuk pranohet ekspertizë e re, procesi gjyqësor po shkon drejt fundit. Ky vendim nuk thotë ende që Ilir Meta është i pafajshëm, por shtron rrugën për ta nxjerrë të pafajshëm shumë shpejt. Ç’do bëhet me Dritan Priftin, i cili në këto rrethana do të rezultojë që ka futur duart në një video-kasetë me synimin për të futur në kurth një ministër të Republikës, madje një zv.kryeministër? Normalisht, i padituri Ilir Meta, me të dalë i larë nga kjo akuzë, do duhej të ngrinte padi kundër falsifikatorit Dritan Prifti, por të gjithë e dimë se kjo s’ka për të ndodhur. Ai mezi po prêt që kjo çështje të mbyllet. Atëherë? Atëherë i bie që prokuroria të hapë një çështje penale në ngarkim në Priftit, por as kjo s’ka për të ndodhur pasi Prokurorët e mendojnë këtë punë si Prifti. Dhe kështu i bie që secili të shkojë në punë të vet. Ku ishit? Asgjëkundi. Çfarë bëtë? Hiçasgjë. Ky është sistemi ynë i drejtësisë.

M.N.