Rona Nishliun e krahasojnë me këngëtaren Aretha Franklin

Nëntë muaj janë dashur për të ndërtuar impiantin Chrystal Hall, ku po mbahet festivali i Muzikës në Eurovision, që është një nga ngjarjet më të ndjekura televizive të kontinentit. Janë mbi 100 milionë vetë ata që e shohin. Dhe ka tërhequr vëmendjen Ballkani. Malazezi Rambo Amadeus, këngëtar i famshëm e kontrovers në vendin e vet, kish kërkuar të bënte përshtypje në Baku me tekstin e këngës, ku kish dhe mesazhe politike disi hermetike e të pakuptueshme. Por ka tërhequr vëmendjen dhe Rona Nishliu, kosovarja që përfaqëson zyrtarisht Tiranën e praktikisht të gjithë shqiptarët. Në të përditshmen Corriere della Sera të Italisë, ku zakonisht nuk flitet kurrë për festivalin e këngës në Eurovision (kanë Sanremon e tyre, që e quajnë festvalin par excellence të këngës në botë), përmendin ndonnjë krahasim që kishin bërë të tjerët për Ronën. “Është si Aretha Franklin”, ky është një krahasim. “Është si Chaka Khan”, thosh krahasimi tjetër që i bënin me të ashtunjohurën the Queen of Funk. Nëse këto krahasime i rezistojnë sadopak kohës, Rona Nishliut nuk i lipset asnjë çmim tjetër në këtë botë.

Por shqiptarët do ta donin çmimin e parë në Eurovision. Do ish një ngjarje e bukur. Sidomos, pas tragjedisë që ndodhi.

M.N.