Arvizu: Presidenti nuk mund të zgjidhet me logjikën që zgjidhet një ministër

Ka gjetur jehonë të madhe në të përditshmet e sotme intervista e mbrëmshme e ambasadorit Arvizu në programin e Çanit, dhe pothuaj të gjitha gazetat (duke përjashtuar ato të Berishës) kishin veçuar nga kjo intervistë e gjatë një moment, ku ambasadori bëhet më i qartë se herët e tjera lidhur me situatën presidenciale. I pyetur se ç’qëndrim do mbante, nëse Berisha do t’i qëndronte deri në fund idesë për ta zgjedhur Presidentin me 71 vota, ai, përveçse nënvizoi se “e gjitha kjo do të ishte një shans i humbur”, gjeti rast të thosh se “megjithë respektin që kam për personat që janë pjesë e kabinetit të Këshillit të Ministrave, [më duhet të them se posti i Presidentit të Republikës] nuk është një post në kabinetin e kryeministrit”.

Re.Pu.