Meta: Unë president? -Kam edhe 30 vjet kohë ta shqyrtoj

Kreu i LSI-së doli vetë sot para mediave, pas hamendësimeve se mund të ishte kandidat për president pas konferencës për shtyp të Sekretarit të LSI-së, Luan Rama dje pasdite. Në dy shkrime  (http://respublica.al/artikuj/2012/5/11/luan-rama-tha-qe-ilir-meta-don-te-behet-president-jo-nuk-duket-se-tha-kete) dhe (http://respublica.al/artikuj/2012/5/12/meta-luan-rama-eshte-nje-kandidat-me-i-pershtatshem-se-une-per-president-te ) kishim thënë se në fakt ajo që tha Luan Rama dje, nuk ishte kandidimi i Metës për në krye të shtetit (nëse nuk kishim të bënim me një pyetje të porositur të gazetarit), gjë të cilën e konfirmoi sot vetë ky i fundit. “Unë duke e mirëkuptuar propozimin e zotit Luan Rama që bëri dje do ta ftoja publikisht megjithëse ja kam bërë dhe privatisht dhe sinqerisht që të kandidojë për kreun e LSI, meqë ka shprehur edhe diferenca sa i takon kësaj force. Kandidimi im është ai për kreun e LSI, ndërsa për nje kandidim të mundshëm për postin e presidentin, kemi 30 vjet para për ta çmuar se kur do ishte momenti i përshtatshëm”, - tha sot Meta duke shtuar se më shumë se interesat partiak, për zgjedhjen e presidentit duhet të prevalojnë interesat kombëtare.

I pyetur në lidhje me darkën me Ramën, kreu i LSI-së shpjegoi se ai ishte një takim privat dhe se do t’ia kthente vizitën Kryetarit të PS-së, nëse ky i fundit do ta ftonte.

S.E.