Ilir Beqaj - akuzohet si hajdut. Mbi 2 metra i gjatë

Beqaj u ndalua më 4 korrik me kërkesë të Prokurorisë së Posaçme, SPAK për veprat penale të korrupsionit, shkelje të barazisë në tenderë dhe fshehje apo mosdeklarim të pasurisë apo interesave private – akuza që lidhen me disa procedura prokurimi të kryera nga Agjencia Shtetërore e Programimit Strategjik dhe Koordinimit të Ndihmës (SASPAC), të cilën ai e drejtoi që nga themelimi.

Detyra e kësaj agjencie ishte menaxhimi më me efikasitet i fondeve të Bashkimit Evropian, që dyshohet se përfunduan në xhepat e Beqajt dhe bashkëpunëtorëve të tij. Apeli la në qeli dhe bashkëpunëtorin e ish-ministrit, Ermal Kurtulajn, i cili mbante pozicionin e koordinatorit të programit ‘EUSAIR Facility Point’ të financuar nga Bashkimi Evropian.

Ky është një njoftim mediatik i datës 7 gusht 2024.

Tani zotëria është duke u pyetur dhe hetuar; ai është në burg, pra është në ndalim me kufizim lirie. Akuza është e rëndë. Është penale, është institucionale. Shanset për pafajësinë e këtij zotërie ngjajnë të vogla.

Kanë rëndësi këta elementë nisur nga një vajtim intelektualo-mediatik për mënyrën sesi ish-ministri i Shëndetëisë u soll me pranga në selinë e Parlamentit. Ata që u ankuan aty ndoshta parandjejnë veten ashtu, puna është te gazetarët dhe mender tualeteve publike, intelektualëve që po na u shqetësokan se z. Beqaj nuk po trajtohet mirë.

A është shkekur ndonjë e drejtë e tij?! Kaq ka rëndësi. Sa për të tjerët, ne na sulet edhe polici i rrugores. Kështu që ata që sot bëjnë kukuvajkën do të duhet të durojnë, të shtrëngojnë dhëmbët sepse ka dyshime të arsyeshme se janë njerëz si ky Ilir Beqaj që leqendisën këtë vend. Edhe pse ai është një prej njerëzve në hetim që duhet hetuar sipas procedurës: kokërr më kokërr t’i gjenden paratë nëse i ka marrë. Në burg, me pranga në duar. Sidomos kur mbajmë parasysh se është mbi 2 metra. Suksese!

s.zaimi