Çështjet e negociatave të 2018-s u ngritën në stadium. Në Athinë u vulos prishja e marrëdhënieve

Ka nisur masturbimi mediatik për fjalën e mbajtur në stadiumin e Athinës. Po shkruajnë se "Z. Rama hapi çështjen shqiptare me Greqinë". Për Çamërinë, ligjin e luftës e kështu me radhë deri te pensionet që është teknike. 

Ta heqim çështjen çame se ajo mes emigrantëve shqiptarë humbet vota. Pse duhet të fliste për këto gjëra një kryeministër nga një stadium? Zoti Rama nuk ka Mitsotakis rival elektoral. Ai e quan mik kryeministrin grek, por ndaj një miku nuk flitet me ulërimë. Nga sheshi. 
Zoti Rama I kishte në tryezë me Greqinë të gjitha këto çështje në vitin 2018, kur vendosi po vetë të mbyllte negociatat. Pa arsye të njohura dhe duke bllokuar çdo përparim. Më pas eleminoi nga skena ish-ministrin e Jashtëm. 

Është e qartë se këtë njeri nuk e merr më kush seriozisht në Athinë për ta konsideruar bashkëbisedues të besueshëm. Sepse zotëria dha shfaqje për vota duke azhornuar retorikën me të kundërtën e asaj që ishte arritur. Nga stadiumi, çka mund të quhet një diplomaci rrugaçi. Natyrisht një zgjedhje dhe llogari e tij. Por në Athinë dje de facto u prishën marrëdhëniet mes të dyja vendeve. 

s.zaimi