Kush e shet ende votën me 5000 lekë?

Media të ndryshme kanë raportuar se kandidati i koalicionit opozitar për Himarën, Fredi Beleri, ka tentuar të blejë vota me shumë 40 mijë lekë. Kjo për tetë persona. Kjo hollësi ka rëndësi. 

5000 lekë vota është si të thuash standardi i vjetër i blerjes së votës si lajm i pakonfirmuar zyrtarisht në Shqipëri. Prej vitesh përflitet kjo shifër. Mirëpo lajmi në vetvete duhet të shqetësojë shumë edhe shumicën. 

Pse? Sepse nuk përkon niveli i mjerimit që implikon kjo shifër për korrupsion elektoral me pretendimet e qeverisë për mirëqenien. 

Spoti kryesor i z. Rama për fushatën flet për “një ekonomi që fuqizohet”, premtimi kryesor i tij ishte rritja thelbësore e pagave, ndërkohë që për vitin 2022 rritja ekonomike raportohet me 4.8%. 

Nëse sheh ofertat online për punë, pagat nuk zbresin poshtë 600 euro për punë që kërkojnë një kualifikim bazë. Si vallë atëherë dikush në Himarë, një ndër zonat më të pasura, kemi manipulim me 5000 lekë të reja për votën? Shifra me të cilën shitet vota në rastin e kësaj akuze vë në diskutim jo vetëm statistikat zyrtare për ekonominë në vend, por edhe pretendimin e kryeministrit se shqiptarëve për politikë nuk ua ha qeni shkopin. 

Episodi është me natyrë të fortë ilustruese dhe kontrakton të vërtetat që shpall propaganda zyrtare duke nxjerrë lakuriq një Shqipëri që nuk ka më skrupuj.