Kreu i Flotës Detare: Leonard Demi “vë pikat mbi i”

Debati në komisionin parlamentar të Sigurisë lidhur me urdhërin për emërimin e komandantit të forcave detare ishte, si shumë debate në komisionet parlamentare, surreal. Doni një provë? Deputeti Lutaj përmendi nenin 169 të kushtetutës, pikën 3, ku bëhet një përcaktim ‘llokum në gojë’ për këtë procedurë: “Presidenti i Republikës, me propozim të Kryeministrit, emëron dhe shkarkon Shefin e Shtabit të Përgjithshëm, si dhe, me propozim të ministrit të Mbrojtjes, emëron dhe shkarkon komandantët e forcave tokësore, detare dhe ajrore”. Ka një pohim më të qartë se kaq?

Shikoni tani përgjigjen që dha kryetari i këtij komisioni, Leonard Demi, në një rrethanë të tillë: “Për emërimin e komandantit të Flotës Detare lexuat ligjin 169 të Kushtetutës, pika 3, dhe ne me vendim të komisionit ngremë një grup mbikëqyrjeje dhe vërtetojmë nëse ato që ne pretendojmë janë të vërteta apo jo, nëse ka shkelje ligji apo nuk ka. Por ne do ta ngremë këtë grup kur ta miratojë komisioni ynë, dhe ju jeni i ftuar të jeni pjesëtar, siç jeni te grupet e tjera. Ne do t’ia lemë në dorë komisionit për të bërë verifikimin përfundimtar.”

E.G.