TEC-i i Vlorës, 130 milionë euro që flenë gjumë

A ju kujtohet premtimi i Berishës gjatë fushatës elektorale të 2005-ës(kur ishte ne opozite), se nuk do te lejonte ndërtimin e TEC-it të Vlorës? Aleanca për Mbrojtjen e Gjirit të Vlorës mblodhi atëhere 14 mijë firma, duke kërkuar referendum në qytetin bregdetar në lidhje me ndërtimin e TEC-it. Më herët, ndërtimi i TEC-it u kundërshtua nga ish-drejtues të ERE-s, të cilët e cilësuan investimin të padobishëm, pasi kostoja e prodhimit prej tij del më e lartë sesa mund të blihet në tregun ndërkombëtar. Dhe pavarësisht nga të gjitha këto, Berisha, pasi erdhi në pushtet, e dha viston për ndërtimin e TEC-it.

Ndonëse ka përfunduar që në nëntor të vitit të kaluar, TEC-i i Vlorës, që kapi koston e 130 milionë eurove, nuk është marrë ende në dorëzim nga KESH-i. Specialistët shpjegojnë shkaqet e dështimit të dy testeve si pasojë e defekteve. “I pari ka qenë i quajtur Drill Ran. Drill Run-i është momenti kur TEC-i do të merrej në dorëzim. Turbina e gazit shfaqi problemin e brucatoreve. Ajo u hap dhe u eliminua si defekt nga prodhuesi i turbinës. Është në kushte pune dhe është problem i ezauruar. Problemi i dytë ishte problemi i tubacionit të ujit të detit. Kjo është nën përgjegjësinë e kontraktorit, nuk varet nga ne,” i ka thënë Vizion Plus-it shefja e inxhinierisë së TEC-it, Miranda Halili. Edhe pse TEC-i është periudhë konservimi, firmosin në bordero plot 58 punonjës, që marrin mbi 4 milionë lekë paga në muaj. Për shkak të kostos së lartë të prodhimit, TEC-i do të prodhojë energji vetëm ne periudha krizash ekstreme.

E.Zaloshnja