Spahiu: Komisionin nuk e njoh; por vendimin që do marrin e kam marrë përpara tyre

Kreshnik Spahiu ka qenë dje në studion e Babaramos dhe ka dhënë një intervistë të gjatë, në të cilën ka vijuar karfosjen me maxhorancën. Por dy ishin nënvizimet interesante. “[Komisioni kushtetues për shkarkimin tim] është ngritur në mënyrë antikushtetuese, nuk është legjitim. Nëse për shkarkimin e prokurorit parashikohet në Kushtetutë që procedura hetimore të jetë nga Parlamenti, për anëtarin e KLD-së e vendos vetë institucioni", tha ai qysh në krye të herës. Dhe ka të drejtë.

Por nënvizimi i dytë është disi i kërkuar; paralelja që bëhet është krejt pa vend: ”Është folur shumë për praninë timë në Krujë. [Por po atë ditë] politikanët bënë disa ceremoni. Disa ministra shkuan në Lezhë, disa në Shkup, në Shkodër. Vajtja e Aldo Bumcit nuk përbën abuzim me detyrën, as vajtja e kryetares së parlamentit Topalli nuk përbën shkelje, kurse pjesëmarrja ime, po. A mundet njeri të më thotë, pse kemi dy standarde?”

Re.Pu.