Kurbani është argument i ditëpërditshëm i debatit publik

“Si duhet lexuar Rama?” ishte titulli i një shkrimi të Andi Bushatit, në të cilin ky i fundit polemizonte me tone korrekte me Ardian Klosin, që nga ana e vet kish polemizuar fort në shkrimin e tij të publikuar në respublica.al (shih linkun: http://www.respublica.al/opinion/ 2011/11/29/autore-dhe-recensente) me Fatos Lubonjën dhe Armand Shkullakun. Objekti i kësaj polemike të diversifikuar? Është libri Kurban i Edi Ramës, i cili është komentuar këto kohë si rrallë ndonjë libër tjetër këtyre anëve. Bushati merrte në mbrojtje Lubonjën dhe Shkullakun, dhe hidhte poshtë tezën, sipas së cilës kritikat e tyre në adresë të Kurbanit e të autorit janë të sponsorizuara, dhe tezën tjetër, sipas së cilës lipset marrë me përmbajtjen e librit, dhe jo me autorin. Libra të tillë s’mund të ndahen nga autorët e nga back-ground-i i tyre, thotë Bushati. Në fund, u bën një qortim dhe atyre që sapo ka mbrojtur, të cilët duhet “të përdorin të njëjtin masë dhe të njëjtën peshë si për Ramën, kur gjykojnë bëmat e kundërshtarëve të tij në politikë.”.

Re.Pu.