Kirk Cameron: Homoseksualizmi është jo natyral

Kirk Cameron, aktori i njohur amerikan, që kohët e fundit i është futur me devocion rrugës së besimit, nuk i ka fort për zemër homoseksualët, dhe këtë e ka demonstruar në programin televiziv të Piers Morgan-it. “Homoseksualizmi është jo natyror, i dëmshëm dhe shkatërron bazat, mbi të cilët është ngritur qytetërimi i sotëm”, thotë ai. Dhe kuptohet që një si Cameroni nuk mund të jetë në favor të martesave mes njerëzve me seks të njëjtë. “Martesa është përkufizuar nga Zoti, dhe kjo ka ndodhur në kopësht (Eden) mes Adamit dhe Evës, mes një burri e një gruaje, deri në vdekje. E kështu as që më shkon mendja ta ripërkufizoj martesën. As të tjerët s’duhet ta bëjnë. E prandaj s’ka se si të jem për martesën mes homoseksualëve”, saktëson ai.

“Po sikur të ndodhë që djali juaj t’ju thotë një ditë: Hej Bab, jam gay, ç’do bënit?, pyet Morgani. Dhe në këtë pikë Cameroni thotë diçka të pritshme prej babai: “Do flas me të, me zemër në dorë”. “Unë do i thoja: Ok, biri im; mua më intereson veç që ti të jesh i lumtur. Ke ndonjë gjë kundër qëndrimit tim?”, e cyti më tej bisedën moderatori i programit. “Jo, unë nuk do t’ia thoja këtë gjë djalit tim”, reagoi Cameron.

E.G.