Jasharajt janë të pakënaqur nga Thaçi; dhe e thonë këtë gjë në publik

Një nip i familjes së Jasharajve ka qenë shumë kritik para dy ditësh ndaj qeverisë. “Situata e tanishme nuk dallon shumë nga ajo e viteve ‘90, kur njerëzit largoheshin nga vendi për shkak të kushteve të rënda”, ka thënë Murat Jashari në emër të familjes. Ai ka shtuar  më tej, se “është koha e fundit për t’u ndërruar kjo klasë e politikanëve”. Në po këtë rast (në një program televiziv në KTV), ai është shprehur se “kryeministri Hashim Thaçi dhe kryetari i komunës së Skënderajt, Sami Lushtaku, nuk e kanë më të drejtën për të bujtur në Kullën e Jasharajve në Prekaz”, dhe shkaku është qeverisja e keqe dhe zhgënjimi që këta të dy kanë krijuar në këtë familje.

Nuk ka asnjë diskutim se Jasharajt që kanë dhënë jetën për çlirimin e Kosovës meritojnë të nderohen, por të rrimë shtrembër e të flasim drejt, kjo e folur në emër të familjes, mohimi publik i së drejtës së dikujt për të hyrë në kullën e tyre, apo fakti që një familje e caktuar është shndërruar në një faktor mediatik e politik më vete, nxjerrin në shesh natyrën tribale të shoqërisë kosovare, rrjedhimisht i komprometon në një masë të madhe aftësitë e kësaj shoqërie për të ndërtuar një demokraci gjenuine e një shtet funksional të së drejtës.

M.N.