Tiranë, mjeti i policisë rrugore përplas motorin, një i plagosur.

Një mjet i policisë rrugore është përfshirë në aksident në kryeqytet. Ngjarja ka ndodhur sot në rrugën “5 Maji”, në orën 14:30, ndërsa mësohet se një person ka mbetur i plagosur.

Sipas burimeve të policisë, mjeti i policisë rrugore ka përplasur një motor, ndërsa i plagosur ka mbetur pikërisht drejtuesi i tij. Targa e motorit të aksidentuar 4B22.

Nga hetimet e policisë rezultoi se motori ka kaluar rrugën kur semafori ishte me të kuq. Të njëjtën gjë deklarojnë edhe dëshmitarët në vendngjarje.