Librazhd, mbytet në rezervuar 11-vjeçari.

Mbytet një 11-vjeçar nga Librazhdi pas rënies  aksidentalisht në rezervuar. Burime të policisë kanë thënëse ngjarja ka ndodhur në fshatin Xhyrë, të komunës Hotolisht në Librazhd.

Nga të dhënat e para mësohet se vdekja e 11-vjeçarit me iniciale V.F ka ardhur për shkaqe aksidentale. Dyshohet që ai mund të jete rrëzuar në rezervuar.

Kanë qenë familjarët ata që e gjetën të mbytur 11-vjeçarin pas kërkimeve. Ndërkaq, policia vijon hetimet për ngjarjen.