Arrestohet në Zvicër autori i vrasjes së shqiptarit në Itali.

Bie në pranga në Itali vrasësi i shqiptarit Nimet Zyberi. I dyshuari është arrestuar sot nga Policia e Italisë.
Policia ka thënë se i dyshuari është shtetasi Paulin Nikaj, 35 vjeç, i cili u identifikua vetëm pak ditë pas ngjarjes së rëndë, si vrasësi i 26-vjeçarit Zyberi, dhe u shpall në kërkim nga autoritetet italiane. Nimet Zyberi u vra më 17 mars para syve të familjes së tij në Rimini të Italisë,
Arrestimi i 35-vjeçarit u bë në Zvicër, në kantonin e Bernit, pasi ishte larguar nga Italia për t’i shpëtuar drejtësisë.
Vrasja e Nimet Zyberit ndodhi në provincën Missano, në Rimini të Italisë, ku Paulin Nikaj i gjuajti shtatë herë me pistoletë  Zyberit në sy të gruas dhe fëmijëve të tij, duke e lënë të vdekur në vend.
Pas dëshmisë së bashkëshortes së Zyberit, policia arriti të identifikonte vrasësin dhe sot bëri të mundur edhe arrestimin e tij.
Policia ende nuk e ka marrë në pyetje të arrestuarin, ndërkohë që dyshohet se Nikaj dhe i ndjeri Zyberi kanë pasur disa konflikte në të shkuarën. Vetë viktima ka qenë person pa precedentë penalë, por ai është ndaluar disa herë për posedim të drogave të lehta.