6 vjet pavarësi e Kosovës, Rama: Ditë e Bekuar.

TIRANE-“Ditë të bekuar” e quajti Kryeministri i Shqipërisë Edi Rama, ditën e pavarësisë së Republikës së Kosovës.

Kreu i qeverisë e përcolli urimin me rastin e 6-vjetorit të shpalljes së Pavarësisë së Kosovës, nëpërmjet rrjetit social, Facebook. “Gëzuar ditën e bekuar të pavarësisë së Kosovës. Krenarë për Kosovën” shkruan Rama.

Më herët edhe Kreu i Shtetit Bujar Nishani uroi nëpërmjet një telegrami homologen e tij, Atifete Jahjaga me rastin e 6-vjetorit të kësaj date të shënuar për Kosovën dhe mbarë Kombin Shqiptar.