Gallatë strategjike: Beleri qorton Kryeministrin nga Burgu!

Shumëkush e lexoi dje reagimin e Fredi Belerit nga burgu. Kryetari i zgjedhur i Himarës, analfabeti siç e quajti kryemimistri Rama në fushatë, tallte këtë të fundit duke e qortuar se ndonëse e ka kuptuar gabimin që bëri në Himarë, sërish ka ende për të bërë. 

Tani, dikush që është në burg për shkak të dikujt që e quan më keq se Erdogani për demokracinë, i leverdis ta mbajë gojën mbyllur. Mirëpo dikush e ka udhëzuar z. Beleri që ta tallë e poshtërojë me qortime kryeministrin e Shqipërisë që e pati uverturën për këtë me gazetën “Kathimerini” gjatë së cilës njoftoi autoritetet greke dhe opinionin atje se po përgatitet një opinion ligjor që mund ta rregullojë këtë çështje. 

Meqenëse intervista u luajt me lëshime marketimi në favor të z. Rama që u shfaq aty si aktor i një modeli të ti komunikimi, festa e kësaj hileje meskine u prish me shqipen qortore të Belerit që i ka kujtuar zotërisë se “thiatrot dhe thiatrinat” t’i mbajë për kongresin e partisë së vet. 

Ka një fjalë në disa zona të jugut për ata që nuk dine ça duan e futen me kokë në çdo gjë, pa vrarë mendjen: Torobello. Nuk dihet nëse ky term aplikohet në këtë rast, por dueli Rama – Beleri po bëhet interesant edhe në kontekstin sesi “fshatari analfabet i Himarës” po tall tajaren nga burgu me “djalin e Halimesë që lan duart tri herë në ditë”.(edhe pse duart e z. Rama janë të famshme për artin e veçantë dekorativ të thonjve).  

E gjitha një situatë absurde, që edhe brenda qëllimeve politike e ekonomike mund të menaxhohej ndryshe. Të imagjinojmë se çfarë mund të ndodhë në një rast kur dikush nuk ka mbështetje si Beleri! Kjo është Shqipëria demokratike, e rrezikshme jo thjesht për arbitraritetin, por edhe për amatorizmin në qepjen e akuzave ndaj tjetrit. Ku janë votat e blera të Belerit?! 

s.zaimi